口水戰要贏廢老？揸緊中指、切勿失焦
人喺朝早半睡半醒狀態思路特別清晰。難得一早被電話嘈醒，又講兩句浸大。
首先釐清概念：浸大佔領事件，重點係匪語考試欠缺透明度、校方出爾反爾，同埋唔應該以匪語成績作為畢業條件之一。呢三點，好重要，之後每一段都會提到。
呢場對廢老嘅口水戰之所以輸，好多人認為係因為講咗一個粗口字，又或者係佔領行動過激，其實唔係。真正嘅失敗原因係錯跟敵方soundbite——「講粗口」大造文章，成個討論氛圍都係圍繞粗口，令上面提到嘅三個重點得唔到討論空間。
「撚」字係助語詞唔係粗口、成班黑警講粗口又無事、唔好話大學生連小學生都講粗口啦係咪又要停學、因為班廢老點點點所以先講粗口。係，呢啲 points 係啱嘅，合情合理嘅，無人話錯，只不過打口水戰嘅目標從來唔係啱定錯，而係點樣令唔關事又想參與討論嘅人企喺自己果邊 i.e. 多提及自己呢邊嘅論點。In this case, 就係開頭講果三個重點。
三個重點係咩呀？讓我地重覆一次：匪語考試欠缺透明度、校方出爾反爾，同埋唔應該以匪語成績作為畢業條件之一。
粗口只係廢老一方嘅 soundbite 同稻草人，件事重點從來唔係粗口。喺粗口嘅討論上佔盡優勢，道理完全喺自己呢邊，so what？結果只係被敵方用嚟借力打力，令討論失焦。手術好成功，但係病人死咗。
網民上 social media 嘅時間有限，facebook news feed 空間有限，資訊此消彼長。當所有人都討論粗口，三個重點嘅曝光率就會隨之而降低，降低到一個幾乎無人講、講咗都得唔到廣泛傳誦成為主旋律嘅程度。呢個情況正是廢老所樂見。
打段咁嘅嘢並唔係要責怪參與討論嘅人。一來值得我地去鬧去屌嘅廢老大有人在，你屋企可能都有一兩個；二來係鬧嚟都無用——兩三個人做錯都仲可以靠鬧嚟糾正，當一班人做錯就無呢支歌仔唱。唯有希望我發完噏風，會至少令部份人思考討論嘅重點，諗下日後嘅口水戰點樣先會贏 or 唔好輸得咁難睇。
Again, 浸大佔領事件三個重點係乜？匪語考試欠缺透明度、校方出爾反爾，同埋唔應該以匪語成績作為畢業條件之一。很重要所以說三次。
p.s. 錢大康我屌你老母，食屎啦你
Amethian
熱愛創作，討厭庸俗的作者、攝影人。標準的水瓶男，對父權主義有種莫名的厭惡。攝影是寫作以外的一大興趣。對足球有股狂熱。夢想遊覽各地中小型城市，感受觀光區以外的風土人情。
Follow Me:
高人指點
Follow 爾雅集