正義好似天上嘅繁星一樣多，但都唔夠香港光害咁勁
cc photo by flickr user Wall Boat
係香港生活，有兩樣講出嚟，應該係人都會笑你。
一就係「正義」、二就係「夢想」
社會從來都唔係一個正義嘅地方，而製造正義嘅原因，係因為「人類需要正義」，
等於小時候我們都需要童話，但如果我將童話放在社會現實，我都會被視為異類，
比極端份子的地位還要低的比下去。
因為所謂的正義，套用「亞爾斯蘭戰記」中那爾撒斯的一句明言：
「所謂嘅正義，並唔係好似太陽咁獨一無二，正義可能只係好似天上嘅繁星一樣……」
因為係聽粵語配音，唔會係原文。不過夠地道，再套用係香港呢個世界，我仲可以加多句：
「係香港光害咁重嘅地方，你有幾多見到星呀？啲商業大廈光到咩都睇唔到添呀！」
那，有需要正義嗎？
用同樣嘅說法，將「正義」換上「夢想」，一樣係好貼切！
但首先要攪清楚一點，唔係「理想」，係「夢想」。
「理想」主要係比啲發夢發夠，係時候要腳踏實地嘅人去以賺錢為目標，做啲搵食嘅嘢。
當然呢個世界好多人會將「夢想」呢個題材嚟搵食，
就好似商業電影同流行音樂一樣，最好消費更係「愛情」做主題，
政治就有好多好好嘅例子。
當一件事嘅中心思想被扭曲後，所有嘢都會變質，
一旦變質，就連一直支持自己嘅人同事都會馬上變身，
一係就為搵夠著數就閃人、一係就調轉槍頭，追擊你搏有其他著數搵。
但係，我只係想講愛情元素嘅電影音樂作品、或者一啲打住夢想旗號去搵錢嘅XX，
因為平台睇政治嘅人比較多，我諗咁講會讀者會容易理解。
其實真正追緊夢想嘅人，往往都係啲好偏門嘅嘢，
唔係因為佢哋唔想介紹自己嘅夢想，
係因為一般嘅社交平台都唔想比佢地「賣廣告」，
理由當然好充分！廣告喎！呢個名詞幾咁黑人憎？
大家由細到大都唔鍾意睇嘅嘢。
咁可以點，唯有做其他嘢去比人發現，
以我自己為例(唔想比人誤會我串緊人或是沾其他作者人氣，唯有講下自己)
寫下文，希望有人知道我係一個寫作人喇。
咁有時係自己嘅文到，露啲唔露啲咁，
話比人知我有寫輕小說架，不過香港唔流行之麻… …
之後個問題又出現，咁我想大家睇長篇奇幻故事，
但係寫文都唔係好關呢個題材事，
大家係咪真係知我做緊咩？
咁做係咪有用？
於是我就想繼續試下，即係… …太多暗啞底會出現嘅情況，唔洗講到咁明，
好單純去考慮，你會 分享 定 唔分享 出去比其他人去睇呢篇，
講緊一個無咩人識嘅香港寫作人嘅文。
咁你都可以我係到搵緊老襯，
但係「利益光害」咁重嘅香港之下，
點樣可以比人發現自己係天上面其中一粒星，
我最光最光都係咁，可能係十幾度，連肉眼都未必睇得到，
要有人提供支天文望遠比你，話埋方位比你知，
可能先發現到，之後改我個名叫「陳易希」(唔知有幾多人唔洗GOOGLE SEARCH佢，都知係邊個)
係太空自己一個飄流，好悶架… …
不過其實我都唔想返地球… …
因為好嘈… …
不過我又要人寄錢比我先生活到，
有時咪比下LIKE、比下心、等人分享下咁囉，
我嘅人生都係咁架喇。
作者 ─ 星的位置：
https://ttmmmrc.wordpress.com/
《叛神軍團》(包括免費賞閱部份的付費作品)
《音樂漫遊─ Slow Music》(含視覺小說版本)
《DSE幻想校園》(預計2018年3月出版發售)
《筆示驅魔傳》(含視覺小說版本)
《格子控的執著》(包括免費賞閱部份的付費作品)
高人指點
Follow 爾雅集