K與我的對話（一）

刊登於 2017-12-18 By Charis Hung All, 人生思考, 生活文化

cc photo by flickr user Ray Wewerka

「我以前曾經好疑惑究竟有無一樣嘢係我真心鍾意。」
K：「？」

「我成日搞唔清自己鍾意一樣嘢，係因為真係鍾意，定因爲𠴱樣嘢叻所以我鍾意。即係我鍾意唱歌，究竟係因為我真係鍾意，定係因為我把聲生得靚，啲人讚我唱歌好聽？我成日都話好憎數學，係因為我真係好唔鍾意數學，定因爲我數學嘅成積好差？我好困惑。」
K：「我就從來都無你呢個疑惑，因為我成日鍾意嘅嘢，自己都好鬼水皮。好似我打籃球啦、打機啦咁，我真係好鬼渣，但我都係好享受好鍾意。」

「係囉，直至我識到你，先確定呢個世界真係有啲人就算𠴱樣嘢唔叻，都可以好鍾意好訓身。同埋開始左寫嘢，我先真正感受到乜嘢叫鍾意。我諗如果有一日無人再睇我嘅文，我都會繼續寫。搵到自己鍾意嘅嘢𠴱種幸福嘅感覺好不得了。」

不過有一樣事情我很肯定，就算有個人好叻好有才華，但如果他/她不喜歡我，我也不會喜歡他/她。
世界上我最討厭的事情之一，就是用熱臉孔貼冷屁股。

世界很大，我才不要浪費時間和精力在那些不喜歡我的人身上。