戴妃逝世20年 其實你又記得幾多呢？

刊登於 2017-08-31 By 寰雨膠事錄及週日環乳膠事錄 All, 生活文化

講起威爾斯王妃戴安娜，其實有點印象模糊，特別佢死嘅時候，同香港脫英幾乎同一時期，年代有點久遠。後生一啲，甚至可能要從電視片，或者維基百科才知道一啲論述，例如愛好慈善、關心慈善噠噠噠噠。

但最近睇到新一套講述亨利八世同佢六個老婆嘅紀錄片，發覺戴安娜嘅某啲soundbite，已經深入民心同文學應用。

片段講述亨利八世想同第一任王后嘉芙蓮離婚，但尋求羅馬教廷宣布婚姻無效不果，安寶蓮已經先入宮「篤眼篤鼻」。

主持節目嘅皇宮博物館館長露西禾西博士，打扮成宮女表示：「明顯呢段婚姻有三個人，變得非常擠逼。」

這句名言黎自戴安娜破天荒1995年接受電視訪問，破天荒第一次公開承認皇室婚姻有問題。

我地通過紀錄片，睇返當年嘅東宮大戰，或者英文嘅威爾斯家嘅戰爭 War of the Waleses，雙方點樣利用媒體報紙，甚至各自聘請傳記作家打擊對方。

英國人如果當然有跟進呢場戰爭，自然覺得好震撼，正如很多人經歷其他歷史場景一樣。但往往後世沈澱後，只會記得幾句金句，「恐怖嘅一年 Annus horribilis」、「我地會係沙灘上戰鬥」、「本宮唔係黎轉軚」，固然大家會記得。就算當年第一次咁宮心計係媒體前面攤開，到今日都只會記得「非常擠逼嘅婚姻」，同另一個無金句嘅王子。

二十年後，今日臉書嘅奇形怪論，大家又會有幾多記得呢？

高人指點

comments

highlight, 思考, 英國