我公司好freestyle

圖片來源:#中國有嘻哈

潮語有云: 中國有嘻哈,下聯硬tag 一句: 辦公室有他、她、它!
我公司係半個聯合國,同事國藉大大話話5隻手指數唔晒,因此我要熟習各國禮儀同working style,方便日常工作。

歐洲同事無11點唔蒲頭,公司policy 係死嘅,work-life balance 係王道!歐洲同事sss一番到公司放低個袋就拎包煙同銀包落去煲煙隊啡(咖啡個啡)~ 然後12點左右回巢開電腦做野,1點放飯等?¥ᆵᆭ在太耐啦,所以佢地有先見之明12:45 落樓覓食~ 食完個lunch 3點前見到佢係非常lucky 嘅一件事。約開會約傾嘢難過見習總或喺大陸上Facebook。

日本同事最守時同有規矩,10點前一定番到公司,而且已經開工做野而唔會慢慢食個大早餐再去沖杯咖啡。而日本同事喺公司似乎最受歡迎,佢會樂意為你解答/ 翻譯各種日本藥物同化妝保養品嘅使用方法。如果訂日本民宿遇到困難佢亦都會親自同你打去日本了解~ 窩心到呢!賞櫻路線圖同北海道花海攻略無難度。而最印象深刻係日本同事嘅90度鞠躬,送客時𨋢門關上左仍然90度鞠躬直至消失天與地。

而印度同事佢地帶飯真係會帶咖哩做餸,放假未必會蒲重慶大廈。而香港同事最常問嘅一條問題係:你識唔識喬寶寶。囧!
其實印度同事好怕被報章負面消息影響而被標籤,所以佢地係公司比較低調。而其實以我日常同佢地接觸,印度同事係好nice而且I.T 超強,所以唔好被負面消息影響同以貌取人。

而國家隊同事 (國藉唔駛多解釋吧),努力投入國際化公司嘅工作模式,明明愛飲中國茶但偏偏會撩人落去買咖啡,喺買啡嘅短短15分鐘積極發問,希望用最短時間搞清楚公司各個山頭同勢力分佈情況。而佢地嘅勤力同刻苦程度令人咋舌!國家隊之進取已經喺公司形成一鼓新勢力。

最後,慚愧地講一下我地呢班港豬,喺公司係二等公民,滿心口忿忿不平而唔會作任何抗爭,皆因老闆係道德撚,自封品德情操高尚,擁有國際視野,高呼人人平等大愛同行,但平時龍門任佢搬,港豬同事sss 為左保飯碗同盡快上到車唯有啞忍,有時連良心都要先收起換取金錢。朝10晚8是常識吧!當然,香港人係醒嘅,我地都識辦公室蛇王之道,可以算係苦中一點甜!

seven@s.com'

工作柒常

任職某地產霸權旗下分公司,負責大中華區柒務多年,高級小薯一名。曾經天真覺得做好自己份工已經夠升職加人工,現實是職場太多潛規則... 太多膠人膠事令你不能自我。每日過住番10放7的小日子,睇住公司班女人勾心鬥角仲精彩過央視春晚。工作中最享受莫過於用"公帑"出差應酬暫時離開一下動物園。

More Posts

Follow Me:
Facebook

高人指點

comments