BBC 新劇「查理三世」導賞:邊樣真邊樣係「戲劇效果」?

早前BBC上演新嘅電視劇「查理三世」,電影長度,一集過,本來係舞台劇,講述當今事頭婆駕崩後,查理斯王子繼位後,面對一場政治風暴,使佢要動用「皇家特權」,導致憲政危機。

首先,要解釋下o羊係「皇家特權」。戲中指嘅君主簽署法案後才會成為法律嘅權利。但係君主立憲制度下,呢個只係象徵性權力,政府交上黎嘅文件,君主必須簽署。

而係戲中,查理三世同政府因為管制傳媒嘅法案起衝突,因此罕有動用權利,唔簽署,導致憲政危機。

但其實呢個情況都幾難發生。今日威爾斯親王其實有好多軟實力,特別係「親王信託」,其實有好多社會勢力可以鼓動,就算佢係太子期間,呢個法案要立法,佢其實有能力通過呢啲受惠機構,影響政府。當然其實大部分覺得佢對呢方面意見不大。

戲中一個高潮位,亦係劇本中最震撼嘅位,係查理三世衝入國會下議院,解散國會。劇情同歷史都表明,威廉四世曾經咁做,雖然無紀錄,但當年應該係入上議院,然後傳召下議院議長過黎解散國會,終止議程。

君主而家係被禁止進入下議院嘅,因為當年查理一世係公然帶兵入下議院捉人,自此君主被禁足。因此呢套戲咁搞法,明顯係戲劇效果,增加張力。

而唔少戲評都將注意力擺落Kate Middleton 身上,唔少評論都認為戲中嘅王妃,如同莎劇中馬克白夫人一樣奸險。但事實有無野心,其實大家無定論,就連當年佢是否有心埋身威廉王子都有各種說法,甚至有不利證據。

當然佢作為真正嘅第一個平民王妃, (*黛安娜唔算),自然有一手先keep得住個status。當然哈利王子竟然有非裔共和主義者女友,但似乎而家女友會反傳統啲,美國離婚人士,remind you anybody?

*黛安娜唔算,因為佢其實係貴族血統,父系同邱吉爾同宗,仲可以上數到查理二世嘅私生子,佢係自己無貴族頭銜而已。

寰雨膠事錄及週日環乳膠事錄

寰雨膠事錄及週日環乳膠事錄 (拉丁文:Vniversaliae Plasticiae Chronicon et Dominicae Vniversaliae Mammae Galeria),是一個備受部分網民好評,由專業的新聞編採人員主理,融入適量中間偏右的基督教民主主義和戴高樂主義的概念,旨在拓寬正體中文使用者,特別是盎格魯-廣東人的世界公民視野、文化多元和幽默意識、破除生活禁忌及文化禁區,增添讀者生活社交談吐元素和題材,豐富、優質、益智的趣味國際新聞網誌。

More Posts

Follow Me:
Facebook

高人指點

comments