文翠珊真係選到半天吊國會點算？

刊登於 2017-06-05 By 寰雨膠事錄及週日環乳膠事錄 All, 人生思考, 生活文化

2017年英國大選可以說峰迴路轉，保守黨文翠珊，可以說看準對手工黨高志民最弱嘅態勢，宣布大選，本來看漲，甚至民望領前到「躺著選也能贏」。

但到選前最後一週，卻出現戲劇轉變，首先yougov新式民調，預測保守黨無法自行過半組閣。當然各黨對預測反應不一，但都表示唔可信 (佢地信嘅黨內民調永遠唔會話你聽)，亦都有其他民調都繼續保守黨都繼續領先。

但英鎊匯價立即應聲下挫，新聞又傳出保守黨內部恐慌，當然主將面不改容繼續放送「Strong and Stable leadership」，但我們細心一看yougov的Poll，不難發現一些端倪。

保守黨可能衰啲咩？

有抄報說 yougov 權威民調，但2015年卻是錯估結果。但yougov的poll 有一個好處，就是資訊量大，會收集其他資訊，讓大家看到一些端倪。而且Yougov是滾動民調，因此會就不同時間點看到不同內容。

首先，對比5月3日和5月31日出爐的民調，18-24、25-49歲年齡組別，支持保守黨與工黨的比率出現差距拉大，後者是完全逆轉。詳細圖表如下：

當然保守黨在這個年齡層，近年向來都低，睇返2015年同樣調查的比率，沒有那麼恐怖，所以相信保守黨你都留意到這個趨勢，否則唔會文翠珊自己出黎告急。

但明顯在這兩個組別，今年工黨個態勢竟然返黎，點解呢？

自民黨去咗邊？

一個疑問就係支持留歐的 48%去咗邊，但其實在今年的調查，支持留歐，但認為尊重民意繼續脫歐嘅人都佔唔少人，於是形成了「脫歐主流民意」。

因此自民黨領袖方偉倫，前首相貝理雅等人之前信誓旦旦要停止脫歐，係呢種民意下，自民黨恐怕會被繼續滅聲。反而高志民「承認民意」嘅打法，反而逐步「收復失地」。

non-Brexit Brexit VS Best Deal for Britain 邊個空洞啲？

保守黨承認呢次大選脫歐係重要議題，一直都推出選工黨就會導致「混亂聯盟 Coalition of Chaos」嘅口號。

The choice at this election: strong, stable leadership with Theresa May, or a coalition of #chaos hitting our economic security. pic.twitter.com/TuIM1kKr2S

— Conservatives (@Conservatives) 2017年5月21日

但高志民承認民意之餘，係辯論開始講清楚佢要繼續可以進入歐洲單一市場嘅優惠條件 (Access to single market)，雖然保守黨諷刺佢無可能達到，我地口中會話係「假貨Brexit non-Brexit Brexit」。

但保守黨自己卻講不清楚，只係一句「Best Deal for Britain」，以為大家會信，而18-24、25-49歲年齡組別好多支持留歐，呢種模糊只會令呢個年齡層更加不信任，仲要文翠珊龜縮，工黨民望回塘大概如此。

國會半天吊都係文翠珊領導混亂聯盟

但係保守黨廣告，或者文翠珊成日講，係佢同高志民之爭，但民調睇來選民，未必相信呢套說詞，因為高志民實在太弱，唔少政客嘅「需要一個強大嘅制衡力量」說法似乎在發酵。

因此如果真係出現半天吊國會，分分鐘根據常規，係要文翠珊自作自受，自己想辦法組閣。

當然，就算英國報紙自己都講唔清會發生meh事，因為有關國會常規規定其實唔係明確，唯一確定嘅係現任首相有優先權尋求組閣，直至認為無法駕馭議會多數方能辭職。而係2010年又訂立咗個先例，就係最大黨又有優先權。但即將出黎嘅國會狀況，如果唔係保守黨過半，都係保守黨最大黨，因此係呢種可能下，文翠珊或者保守黨到時分分鐘要自己組織「混亂連線」撐落去。當然差幾席過半嘎話，可以靠北愛親英政黨維持多數，通過執政聯盟，或者只係關鍵議案支持協定。

真係進入後文翠珊時代，會係邊個？

但如果差議席太多，雖然有報紙表示理論上保守黨同蘇民黨合作，但政治理念南轅北轍，根本沒有可能。

而且真係無法組閣嘅半天吊國會狀態下，保守黨內部很難無逼宮勢力，文翠珊好大機會都要走人，高志民固然可能嘗試組閣，但可能工黨根本唔夠票。所以最後保守黨領袖很可能係下任首相。

但保守黨黨內能夠「似人形擔當大任」嘅人其實唔多，Boris Johnson固然有民望，又係脫歐大將，但係太難同其他黨合作，甚至自己黨內都搞唔掂；財相夏民達自然係一號人物，但民望唔高，又支持留歐，當年關鍵時候支持May姐，幾乎會被人當無分別，幾個脫歐大將都可能一試，但後果應該比May姐更慘。

當然有啲外圍人選，例如陸龜提出前財相歐思邦嘅可能性，但佢自己唔再選議員，又有搵補選。膠事錄睇法除非係事頭婆或者公務員系統覺得要組成「團結政府 National Government」，要搵個可以同各黨傾倒計嘅人，否則，保守黨內部似乎未見到要佢回朝嘅趨勢。

當然值得留意嘅係，最多只有一個半民調顯示會Hung Parliament 或者工黨有機會過保守黨，或者你可以陰謀論，話呢個說法係保守黨催票嘅方法咯。

PS:倫敦再遭受恐怖襲擊，有無影響？但曼市之前都受到襲擊會否改變民調？答案係工黨穩步上升，除非高志民又失言，否則震盪只會遞減。

高人指點

comments

highlight, 思考, 文化, 時事, 英國