香港人真係好N鍾意捐錢

cc photo by flickr user Yukiko Matsuoka

我唔知係因為八十年代開始香港人同宜家嘅大陸人一樣財大氣粗,定係因為「民主之父」愛國撚司徒華做壞規矩教壞人,香港人真係喺啲唔關事嘅情況下做咗政府應該做果份,做壞規矩令政府唔洗做,或者做少好多。

遠嘅好似咩華東水災,90後可能無聽過,香港人又幾千萬幾千萬咁捐上去震災,最後啲錢去咗邊就無人知啦,個感覺有少少似誠哥屋企爆水喉你籌旗俾佢請人整咁,不過都叫自己衝出嚟柒,算啦。97後就大鑊喇,因為政府揸旗人換咗香港人,而條數就變咗香港人睇。知唔知香港揸數最耐嘅係邊個?曾俊華。政績包括08年攞咗100億上去拉關係,而呢100億如果用喺教育、醫療、社福,係可以幫到好多香港人嘅。講真,淨係佢咁多年嚟將香港人嘅稅收攞上去派,包括大白象工程,都夠佢買個油水位有餘。究竟林鄭係煙幕曾俊華一早買咗位,定係有個更加位高權重好油水嘅位俾佢坐好快就會開估。

其實一個制度健全嘅社會,一切意外、災害都會由政府負責善後,而英國人本身就留咗一個完善嘅制度俾我哋。好似警察、消防咁,兩者內部都有福利部門,負責喺同事有咩意外嘅時候照顧佢同佢啲屋企人,除咗《烈火雄心》有講過,近期嘅黑警官司大家都睇得好清楚。其實,當大學畢業生起薪點係十幾二十年都維持喺萬頭嘅時候,兩者嘅officer級起薪點已經過咗四萬,而且仲有宿舍。佢哋嘅宿舍並唔係普通香港打工仔攞三、四成人工出嚟就租到嘅size,亦即係話淨係起薪點係你三倍,年年人工加得快過你,輪到宿舍等如再加三成人工,有意外仲有福利部照顧你全家,仲有浩園俾你葬,唔洗十幾廿萬買個細過保險箱嘅骨灰位,呢個先係吸引人做有危險性嘅工作嘅條件。我唔係話消防員份人工包埋條命,不過肯定係包埋危險,亦包埋專業訓練,而有意外幾時都係應該由僱主負責。如果一個地盤工人意外身亡你唔覺得應該捐錢,點解一個消防員意外身亡你覺得要捐錢?因為你無交稅?定係你覺得政府無責任,你應該代政府負責,等佢繼續攞你啲錢去搵大陸公司修橋補路等你無屍骸?

如果唔係消防員呢?修路工人、地盤工人又點?除咗請佢嘅僱主、保險公司之外,政府其實都有社會福利署提供各種福利,呢樣嘢本身就應該係每年由財政司司長批錢落嚟嘅時候決定批幾多,社會福利署署長負責撥幾多落去相關基金嘅。有人年年計錯數,應洗唔洗,唔應洗又亂洗,搞到香港周圍都係大陸公司經手嘅危險基建,轉頭又變咗民主之父,泛民、黃絲齊撐。

好喇,到呢位月入三十幾萬,仲有官邸住唔洗交租扮中產嘅HNWI(High Net Worth Individual)出嚟選特首,又有班柒頭出嚟捐錢俾人玩。佢間官邸放出市場廿萬肯定租唔到,分分鐘三十萬都未必夠,仲要唔洗因為人工高而交多啲稅,即係話佢嘅月入等如出面私人市場七十幾八十萬,一個月等如香港入息中位數四年,高過唔知幾多上市公司CFO加埋CEO嘅人工,你又捐錢俾人。喂,如果趙世曾林建名要買偉哥你做咩唔捐錢俾佢?捐咗咪等如你有份屌𡃁模、七線女明星囉。喂,政協曾志偉、愛國人渣陳百祥譚詠麟都可能要買痔瘡膏㗎,你唔捐錢?

有汗出無糧出返足個幾月工仲要被愛字頭打被愛字頭侮辱嘅抗共青年又唔見你捐錢?人哋無勞工處幫佢哋追糧仲要自己出錢打官司慘過地盤工人你唔幫,有條幾十億大水喉射住嘅賣港愛國建制民主黨、半數人身家唔知係幾億定幾十億嘅愛國大狀黨、愛國又建制身家分分鐘過億嘅曾俊華你又仆到去捐錢支持?喂,順手捐錢俾講明無仔生唔結婚仲要分身嘅健身教練啦笨,一份收入唔知養幾多條女好辛苦㗎,分分鐘辛苦過周永恆,助養富豪同助養人渣一樣啫,眾生平等啊施主!

aragorn.ho@gmail.com'

明鏡

商科出身,一直認為自己是商界奇才。大學時期嫌課程沉悶,把時間都花在哲學、文學上。近年興趣為時裝、電影。

More Posts

高人指點

comments