最應該紅嘅女歌手

話說早兩日睇到張敬軒王菀之演唱會片段,翻唱「樂壇天后」鄭秀文首《CHOTTO 等等》,令我諗起早幾年聽過官恩娜喺勁歌金曲翻唱,驚為天人,我覺得好過原唱好多,就上youtube重溫下啦,點知俾我碌碌下碌咗去個疑似官恩娜本人嘅youtube channel,真係不得了!

毫無疑問,官恩娜唱自己嘅歌除咗fans真係無咩人有留意,如果唔係都無上無記唱Endless Love勁到嚇親人呢件事。不過,講到翻唱就真係太多高水準演繹,先嚟四首有聲無畫,咁啱又唔洗同當打女歌手直接比較嘅歌熱下身先~

之後就到戲肉喇…唱容祖兒嘅《落入凡間的天使》,技術性擊倒。

何韻詩嘅《木紋》,我講K.O.就可能好大爭議,不過個人認為係略勝一籌嘅…

最後嚟首《囍帖街》,各有各好。

所以話呢,講咩樂壇、電影界不如8、90年代啫?人才根本一直都有,係你堆頒獎禮一直以嚟都小圈子圍威喂。官恩娜最少就勁過容祖兒,起碼有條件紅過何韻詩、衛蘭,事實上有幾多人知佢咁唱得?作為一個唔專業嘅聽眾,我夠膽話佢應該紅過鄭秀文添,有啲咩大監製、名師好似趙增熹、陳潔靈當然可以走出嚟話喺技術層面佢哋唔同意啦,不過,我好清楚,Michael Jackson都唔係靠技術嘅…

講番轉頭,老鬼唔好再扮以前樂壇點點點喇…樂壇係勁嘅,90年代就唔會有四大天王,80年代譚詠麟都無資格同張國榮相題並論。宜家上網咁方便,Google下啦,張學友同張國榮係MJ、Beatles果級㗎…電影圈?譚詠麟喎,影帝?

aragorn.ho@gmail.com'

明鏡

商科出身,一直認為自己是商界奇才。大學時期嫌課程沉悶,把時間都花在哲學、文學上。近年興趣為時裝、電影。

More Posts

高人指點

comments