香港演藝界的雙子星

寫影評從來都唔係我強項,除咗因爲我記性差之外,我平時嘅超強分析力都從來無帶到入戲院,睇戲純粹係用心去感受,可能亦都係呢個原因,我睇完戲抒發感受都試過同兩個所謂影評人嘈一大輪,係都要被人話我「唔識欣賞巨著」,所以我無特別寫過呢兩位代表香港文化最巔峰,無論演戲、唱歌都達到國際頂尖水平嘅表演家,張國榮、張學友。

當然,我無本事分別為佢哋寫一篇文去總結佢哋作為一個演員或者歌手,咁多年以嚟嘅成就。我想略為講下嘅係,作為同我同輩嘅80後,我之後嘅90後,比較容易忽略嘅兩位巨星表面上「較弱」嘅一部分。

p7346121a9139328

先講張學友。係人都知佢係歌神,以香港歌手嚟講根本無人同佢喺同一級數,包括曾經有人話係佢接班人嘅Eason。不過,佢嘅演技被嚴重低估。好多人以為四大天王講演戲跑出嘅係劉德華、郭富城,而忽略咗產量極低嘅張學友。其實佢喺2005年《如果 · 愛》嘅演繹已經極出色,我覺得已經係影帝級實力。咁當然,我唔係一個演員,甚至港產片、華語片都唔算睇得多,我講嘅係無咩說服力嘅,我提議電影愛好者自己睇一次。如果話2005年嘅張學友係影帝級,2016年《暗色天堂》嘅佢,事實上已經超越香港嘅影帝們半籌。林嘉欣嘅實力無容置疑,而事實上喺戲入面張學友嘅演繹明顯更出色。我睇嘅時候最清晰嘅感覺係,無人可以將角色演得更出色,無論係梁朝偉、梁家輝、任達華、劉青雲、張家輝,定係劉德華、郭富城。佢嘅演繹,除咗張國榮之外,係應該無對手地橫掃現存嘅所有影帝級人馬。咁當然,如果你走去問黃秋生或者King Sir點睇,佢哋可能話我誇張咗少少嘅…

juswe15gijy

好喇,跟著就到張國榮。作為一個張學友巔峰時期我都只係讀緊小學至初中嘅80後,我連四大天王另外三位點解同張學友相題並論都唔知,譚詠麟憑咩同張國榮相題並論更加係想像唔到。事實上,哥哥憑唱歌紅遍日韓嘅年代,係略早於佢演技斐聲國際嘅年代。佢唱腔獨特,低沉嘅聲線令佢嘅情感極具感染力,就好似係為你一個人唱咁,令到好多實力派歌手翻唱佢嘅歌嘅時候效果都唔理想,唔止足以評為驚嚇級嘅張敬軒,就連張學友出手,感覺都有少少奇怪…我搵咗張學友版本嘅《為你鍾情》同張國榮版嘅做個對比,聽下你就明我講咩:

我相信,哥哥喺演戲上嘅成就,有幫到佢係唱歌方面更上一層樓,感情嘅表達更上一層樓;而學友,就係唱歌方面嘅成就令佢演戲更上一層樓。佢哋兩個都同時喺演戲同唱歌方面技壓同代眾星,絕對係國際級水平,分別只係哥哥喺演戲上面嘅成就唔單上技壓同代,而學友係唱歌方面唔止技壓同代。我宜家最期待嘅,反而係學友嘅下一套戲,有無可能唔止超過影帝半籌。最後,附上《暗色天堂》trailer,睇下大家同唔同意佢應該攞影帝~

aragorn.ho@gmail.com'

明鏡

商科出身,一直認為自己是商界奇才。大學時期嫌課程沉悶,把時間都花在哲學、文學上。近年興趣為時裝、電影。

More Posts

高人指點

comments