為何失戀不可請病假

cc photo by flickr user DeeAshley

cc photo by flickr user DeeAshley

又是忙碌的上午,快要被堆積如山的project壓死。

「Rebecca,份report我趕住要,妳食飯前要比到我。」

「Ok,我盡快。」雖然心裹面咒罵緊腦細,但無計,係香港打工,always listen to the boss, always agree with the boss嘛。

(叮叮..) Whatsapp閃過阿藍個名,「Rebecca,我地.. 不如分開冷靜下。」阿藍係拍左拖兩年嘅男朋友,其實呢幾個月大家各有各忙,不停為左小事鬧交,Rebecca都估到好快有呢一日,但無諗到係今日呢個咁忙嘅時間姐。

「我份report呢?我趕住要咖,仲發夢!」腦細叫醒左未接受到事實,仲傷心緊嘅Rebecca,內心已經好脆弱,仲要比人鬧,Rebecca只抬起頭,弱弱咁講一句sorry,然後繼續埋頭工作。

呢一刻,佢好想喊,好想返屋企個被竇喊,好想去挽回個男朋友,但可惜佢要繼續坐係度完成佢嘅工作。呢一秒鐘佢不解,點解傷風感冒可以請病假而失戀唔可以?失戀帶黎嘅傷心心痛比起病更影響工作效率,內心嘅傷口更需要好好休息黎復原,點解失戀無得睇醫生,點解止痛藥止唔住傷心?

所謂嘅成熟,好似係要控制到自己嘅情緒,唔好比情緒影響到工作。所以Rebecca握緊拳頭,指甲在手心壓出一個半月形,深呼吸,強忍淚水,繼續完成lunch前要交嘅report。

black@shallot.com'

小黑蔥

沸青90後,相信文字能走進人的內心深深處,相信文字蘊含著無限的情感。

More Posts

高人指點

comments