唔該玩陰陽師嘅你地,唔好再話自己喺非洲人/臉黑/求歐洲船票

share

宜家好多遊戲都有抽野一環,就係呢付出同樣嘅野,但係就靠運氣抽遊戲物品。可能抽到好野,可能抽到廢野。例如陰陽師、LoveLive! School idol festival等等。

然後就興起咗一啲新創嘅詞語,
非洲人:黑仔,永遠抽吾到好野
歐洲人:唔黑仔,臉白,好彩,成日抽到好野

咁我喺有玩開陰陽師嘅,仲好沉迷,日日較定鬧鐘打活動、入錢入去買勾玉(陰陽師嘅點數)。順帶自豪下,我喺喺陰陽師臺服未出之前已經留意,我連佢開服之前個刪檔封測我都日日玩,跟住部住開服一刻就即刻入去玩,所以我一定喺臺服第一批玩家黎(唔計ios用家,andriod比ios遲3日上囖屌)。

無聊見到google play推薦就順便啲own黎玩下,無聊先開黎玩下嘅人,你地知唔l知隻game背景啊?知唔知隻game改編自夢枕貘嘅小說啊?你地連隻game喺大陸game都未知啊!

咁呢啲人知啲咩?咪就係知咗非洲人啊、ssr啊呢啲詞語囖。吖真係屌吖,唔好一識新字就喺咁用得唔得?你當你自己教育電視?

簡單講下,陰陽師入面有好多式神,玩家要用佢地黎戰鬥,即喺lol嘅英啦。獲得式神嘅方法得兩種,一喺抽卡,一喺儲碎片。碎片喺要儲十年嘅,所以主要獲取途徑都係抽卡。式神按稀有程度分為N、R、SR、SSR四類,其中“SSR”最為稀有,也最難得到。
全稱如下:
N:normal——正常
R:rare——稀有
SR:super rare——超級稀有
SSR:superior super rare——較高級的超級稀有

當然了,對於玩家而言:
N:normal——廢
R:normal——廢
SR:ok——用得
SSR:great!——正啊!

然後我就喺fb見到我最唔期待嘅畫面出現了。個個喺度怨自己抽吾到SSR,喺度話自己非洲人。我真係哇一聲。SSR啊大佬,你以爲喺印花?要就有啊?SSR仲稀有過5**啊!

For 啲無玩開game嘅朋友,等我做幾個比喻。

話説有個外星人黎到地球,知道原來有窮人同有錢人之分。佢一望自己標準配置,Oh,得200億。李嘉誠十分之一都無。於是佢就日日嗌窮,又喺fb post 啲 錢嘅相,附注:點解我連1000億都無:(好窮啊啊啊啊啊:(

點?喺咪好摟打?

又話説有個女仔佢天資聰穎成績優良,從來唔溫書,上堂訓教。結果dse成績出黎,全部5*,7科共42分,best five 30分。於是佢好sad,話:點解我成績咁差:(連一個5**都無:(

你有努力過咩?你有資格怨咩??

有啲人抽到好多SR仲要怨,已經黑人憎,仲有人話抽得一隻妖刀姬(SSR式神),幾時先抽到茨木童子(another SSR式神)。咁樣已經唔喺黑人憎嘅地步,話佢天怒人怨都算婉轉。

睇到呢度嘅你,明白我感受未?一個明明受到天眷嘅人,仲要係度怨天尤人,其實喺對真正黑仔嘅人嘅諷刺、嘲笑同埋二次傷害。就好似一啲有女有錢嘅人喺度話自己喺魯蛇(loser),博乜呢其實?

喺呢度,我想講下我自己對於非洲人嘅標準(陰陽師only)。首先其實官方喺有非洲人成就的(隱藏成就):

非酋初級
達成條件:連續200沒有SSR

%e5%9c%961-3

非酋中級
達成條件:連續300沒有SSR

%e5%9c%962-1

非酋高級
達成條件:連續400沒有SSR

%e5%9c%963

非洲陰陽師
達成條件:連續500沒有SSR

所以啲抽咗20次無SSR就喺度屌嘅人真係應該檢討下自己,你連非酋初級
都未喺啊!隻隻比曬SSR你好唔好?你地簡直喺溫室小花,唔好話大風大浪,我打個乞嗤都浸死你啊!

咁當然啦,遊戲成就嘅要求喺高啲嘅,人地都叫非酋啦,即喺都假假地算首領。
咁普通非洲人嘅標準喺點?我最低要求喺抽到SR嘅幾率唔可以高過30%。果啲抽10次5張SR卡果啲食屎啦唔該。基本上你十抽無SR/得一隻,基本就喺非洲人無誤了。

然後其實總有啲情況喺大家都心照不宣一定喺非洲人。比如話從來抽唔到SR卡。。。

以上呢位朋友絕對喺純種非洲酋長血脈,唔喺純種我都唔信。佢可以抽100次得10隻!唔喺SSR,喺SR!即喺得10%抽SR。。。而且佢已經連抽500次無SSR。。。500次喺咩概念?唔計每日做任務果一張符(用黎抽野的),100勾玉抽一次,500次即喺50000勾玉,HK$618有2590勾玉,換言之也就大約20×618嗯。。。大約港紙12300吧!人地洗咗1皮野啊!都無SSR啊!點啊!你地仲有無聲出啊!

附帶一提,呢隻game喺勁食錢,勾玉超貴。所以我見到youtube咩笑波子入咗$618就喺度煞有介事咁出條片抽野我真係得啖笑:)無玩嘅朋友唔好比618呢個數字大到啊,其實抽得三十次左右。

最後,奉勸所有無病呻吟嘅朋友一句:收皮

---正文完---

本篇文章并不共享版權,禁止任意轉載及使用,如引用需標注出處。

little@door.com'

小門

暢所欲言

More Posts

高人指點

comments