你捱過DSE先好同我講:「我明白你嘅感受!」

-所以我唔敢亂咁鼓勵DSE考生,我情願陪大家一齊去考。

cc photo by flickr user David Feltkamp

cc photo by flickr user David Feltkamp

情況就好似一個人未失過戀,走去安慰一個啱啱失戀嘅人講:「唔好咁傷心,都唔係好大件事唧…」

DSE唔同HKCEE、唔同A-Level、更加同任何一個公開試都唔同,

唔好用以前個套黎話比我知幾辛苦你都捱過,

此辛苦不同彼辛苦,如果你睇過張經緯嘅少年滋味,你就要諗下電影最後個段對話,

大概係上一代有上一代嘅苦,呢一代有呢一代嘅煩惱,

其實所謂「過來人」嘅身份一D都無說服力,

你有冇感受過連老師自己都唔知點教嘅科目,但你要去考?

你有冇諗過係會考最好唔係考A,係要考A**?

你有冇諗過入大學要同「國際化」嘅學生爭資源?

你有冇諗過去補習社上兩個鐘重有用過係學校返大半日學?

或者可能都會有差唔多嘅經歷,會令大家都有類似嘅感受,

但如果呢一件事唔係你自己親身去經歷,你又點會明?

不過咁樣講,其實最重要嘅都係想提一提D 「為左交差而去鼓勵DSE學生嘅機構或政府部門」,

唔好再講嗰D「困難總比辦法多」,你要比人覺得你地有心去幫人,最直接嘅係去自修室溫書啦!

唧係你要基層相信你哋做緊野幫香港人,你哋減人工再加福利先啦。

老闆你想員工好野有D成績,加左人工先講啦,呢方面我唔會要求大家一齊捱苦,我只係想一齊舒服D唧。

(又講遠咗~~)

DSE就嚟到啦,我真係好有誠意去了解下而家已考生有幾難捱,

不過我都知做咩都好,其實感覺都係好似食緊花生咁(無計,本人要搵食)。

但係我自己最大嘅興趣就係體驗人生,(不過唔好同我講去非州捱餓,我唔得,我怕哂太陽。)

我都只係想盡自己嘅能力去體驗一下香港唔同嘅生活。

DSE就係今次我自己嘅目標,

如果各位DSE嘅學生,有咩苦水想講或者想爆嘅,絕對歡迎SEND個MESSAGE黎,

不過我唔擔保會將你嘅事件寫成故仔公開,而且唔會比返個名你,因為我唔想透露大家嘅私人,比人知邊個係主角。

認真講,香港有咁多萬個考生,如果件事係有意思又有共嗚,唧係大家都有發生差唔多嘅野,

唔通一個人同我講,比返十個人名出黎咩。

而且「故事內容純粹虛構、如有雷同,實屬巧合」。

關心係堅、但我最鍾意係寫故都係堅,唔好之後話我抄橋就得。

咁當然啦,如果你想公開黎傾嘅去FACEBOOK留MESSAGE都得,

都係個句,目的係想關心下人,但首先係我要了解多D DSE嘅生活小事,先可以同大家一齊去面對一下。

(再強調,我係寫網上寫作人,怕係我呃你橋嘅,真係唔好SEND嚟,但絕對會尊重個人我人,我只係唔想搞到自己有咁多麻煩。)

13@boy.com'

十三郎寫作團隊

團隊的成員都是我精神分裂出來的人物,所以沒有其他人。 每位成員也有屬於自己的故事方向,但都是出於同一個人的手筆。

More Posts

Follow Me:
Facebook

高人指點

comments