我童年時的電梯大堂

cc photo by flickr user Dizzy Fripper

cc photo by flickr user Dizzy Fripper

尋晚返歸時,見到兒時玩伴兼多年鄰居呀豪,大家平時撞到都係點下頭,今日大家都放工無嘢做,呀豪提議大家去返以前成日坐個後樓梯吹下水。

由小學雞到中坑,由以前屌人食煙戇on99到依家on99一齊煲煙,時間過得好鬼快。而我地就係呢個電梯大堂同後樓梯經歷過我地嘅童年。

【想像力】
細個邊有依家咁多嘢玩,尤其我地呢種窮鬼屋村仔,最大娛樂就係落街玩。
不過好不幸地,我同呀豪包括埋其他人都係唔讀書,掛住玩,又曳嘅小朋友。

當時屋村下面,固定都有三,四班唔同「公司背景」嘅古惑仔,我地父母梗係擔心我地成日落街會痴呢班人(當然大家都知道,到你中學個陣,就算你唔想,你都會識到呢種人)

咁可以仲去邊姐?咪大家on99留係個電梯大堂入囉。
個陣無iphone,無電腦,係呢個咁嘅地方就不斷咁發揮大家嘅想像力!
(係到講下,我住個條村係Y型公屋,有三條走廊中間就有個大幾百呎嘅大堂,我地簡稱為「車立」口)

當時可以玩嘅遊戲由以樓層為限嘅捉伊人,埋周,再到用走廊口黎做龍門嘅小型足球,受到地型限制嘅棒球,仲有大量勁過John Cena嘅摔角,相樸,哥爾夫球,四驅車賽場,彈球人擂台。
大家講起都笑到PK!

由打架鬧交,到坐後樓梯講到自己小學暗戀邊個女同學,呢到就好似我地嘅樂園咁。

豪:「諗返都唔知點解,個陣可以係呢個咁細嘅空間到諗到咁多嘢玩,依家好多嘢都有得玩,但係成日都覺得好悶,好無癮!」

吹:「細個乜都無,咪珍惜啲囉,依家好似乜都太易得到,無咩好值得留戀咁。你叫我依家去公園玩,咪又係坐低電話。」

我同呀豪之後就行入去另一條走廊嘅消防喉所在,個到曾經係我地嘅寶箱。
因為我地就係呢到發現人生第一隻無格嘅咸碟所在地!

個陣我就威威啦,因為我家姐會買「YES!」入面有個專欄係由MISS SEX講解性知識,因此我可以係呢條後樓梯到向其他人講解打丁係點樣嘅一回事。

哈哈!如果我講返呢個故事比依家啲細路知,佢地肯定會笑9我地低能。
「上ThisAV咪得囉!柒頭!」

算啦,佢地唔會明白,呢個電梯大堂對我黎講絕對係我童年回憶嘅重要一環。

blow@king.com'

吹水皇

港豬廢青一名。 只想吃喝玩樂不勞而獲 不求踏實地但求公屋有期。

More Posts

Follow Me:
Facebook

高人指點

comments