The Accountant/暗算:智高殺著?

圖片來源:作者

圖片來源:作者

睇完套戲,心諗一句。
再睇一次發行商提供嘅簡介資料,算唔算違反商品說明條例呀?

喂睇完段嘢我以為齣戲會係鬥智鬥力緊張刺激嘅黑吃黑犯罪片,到頭來係套英雄片嚟嘅仲要唔緊張唔刺激o添,咁我好難唔失望喎?好難唔認為係俾人呃喎係咪?

的而且確唔係第一次俾trailer或者簡介呃入場,入場之後嘅問題就係套戲本身好唔好睇,好睇嘅咪意外驚喜唔好睇咪屌你鹵味囉。依家呢套”The Accountant”就擺明要屌鹵味。

最屌鹵味嘅就係主角嘅描寫,罪犯?前段J.K. Simmons同手下揸住幾幅相講兩句之就冇點提喇;正義?通風報信都改變唔到佢幫犯罪集團仲袋袋平安;天才?得一段由分鏡配樂到音效(將N條賓佬嘅whispers疊埋一齊!)都陽春到笑嘅會計戲表現出嚟囉;好打得?又真係大把時間大顯身手嘅⋯⋯除咗最後最應該要交到貨嘅「決戰」。結果係唔知自閉症定係社交障礙呢方面寫得最好,咁我點解唔睇蝙蝠俠呀都係賓佬喎?

講起社交障礙,就係靠呢下Anna Kendrick先有啲戲做。到酒店避難後嘅短短一段對話,兩個演員有交流兼最俾到戲,帶點同病相憐嘅感覺,但係其餘部分就不過一個花樽邊個做都一樣。單論演技Anna真係不止於此,下次揀個好故事拍啦。另外賓佬仲有個細佬成日flashback出現,當然令人好奇佢會點影響個故事,原來⋯⋯我屌你咁玩法呀?已經大半套戲都流流哋啦,臨尾整個咁嘅扭橋真係死多幾錢重。至於J.K. Simmons同個女下屬直頭係可有可無,我淨係知J.K.中後段個回憶嘅剪接完全破壞咗我對電影開首真係做到緊張刺激嘅好感。

愈諗愈嬲,真係要摵飛鎅凳,點解有咁多好材料可以煮出一道劣食?

(編按:深表同情,等我貼返條trailer link落嚟先,其實可能係片商expectation management嘅問題……)

chester@chester.com'

查斯特

其實比起表達,我更擅長聆聽。

More Posts

高人指點

comments