你係喜歡做呢件事,定係喜歡名成利就

cc photo by flickr user catherinedncr

cc photo by flickr user catherinedncr

同大部份嘅人一樣,我好期望將自己喜歡嘅事變成事業,因為我地好天真地相信,將興趣變成事業會係一個完美嘅結局。

但葉師傅,唔係咁易架。

成功係講機率,即係努力加天份並不等如成功(當然如果閣下有人完美嘅人脈同運氣就另作別論)
即係,窮盡一生嘅精力,都只可能稱霸到樓下個球場。

華仔係一個好喜歡踢波嘅人,佢喜歡到如果唔係必要著其他服飾,佢都只會著波衫出街,佢嘅興趣只係足球同其他相關嘅嘢,佢嘅知識同熱情有時令我到我呢個「球盲」覺得佢有種異常嘅恐怖。

「今次個龍門嘅質料同上一屆有唔同,我睇佢撞柱反彈嘅震動就知道。」

因此我就好主觀認為,華仔嘅人生目標一定成為個全職嘅足球員,係世界杯到大放異彩!

「唔係喎,我從來無諗過做全職嘅足球員。」

華仔一句,震驚我全身上下幾千億個細胞。

【我愛自己興趣】
「一個全職嘅足球員,未必係好愛足球;一個愛足球嘅人,唔等如要成為一個全職球員。

我好明白,大部人嘅人都覺得我咁愛熱足球一定想將佢變成事業,但我唔認同;因為當佢成為你嘅事業嘅時候,你係咪真係可以對佢有如當初一樣,唔會變質,就好似你當日你第一次踢街場,同班唔識嘅街坊踢到身水身汗,仲要比人炒3比0,但你仲笑得好開心個心態?
定係,你只係想將自己嘅知識同熱情,販賣出去將佢變成名利呢?

我睇到好多人當日話想做醫生律師乜乜柒柒,講個陣就話自己係為咗一個純真嘅理想,但慢慢佢地都默認自己已經變質;甚至,其他佢地當初一開始只係為咗名利而做。
其實你去問下呢班人,同佢地講任你做得再好,都唔會有名有利,你仲會唔會做落去?又或者,你做得再好你都唔會特別出色,你又會點?

我唔做球員,因為我怕,因為我怕連自己唯一愛嘅嘢都賣埋出去。

好多人都覺得我呢種人無出色,但我每次落去街場啲街坊都同我一齊踢波,無論羸輸都好,之後一齊去士多飲汽水,呢種已經我係生活嘅最大滿足。」

【AV男優】
我忍唔住問華仔:「咁你對呢樣嘢從來都無呢種出名嘅幻想咩?」

「都有嘅。」華仔笑一笑:「我想試下亂入隡低巴神!哈哈。」
然而我都唔知邊個係巴神。

富爸爸係呢個時候又講:
「屌,咪即係AV男優咁囉。個個男人都好恨做入面個角色架,但分幾鐘之後呀,你就又熄個視窗,將呢件事忘記得一乾二淨。」

係,我承認,我每次係個幾分鐘都好恨做男主角。
或者大部嘅人都係一樣,只係想比美女包圍但又唔想公開比人睇。

blow@king.com'

吹水皇

港豬廢青一名。 只想吃喝玩樂不勞而獲 不求踏實地但求公屋有期。

More Posts

Follow Me:
Facebook

高人指點

comments