食嘢個陣啲習習習習習習習習習習聲

cc photo by flickr user Tambako The Jaguar

cc photo by flickr user Tambako The Jaguar

Table manners,對好多香港人尤其我呢種咁肥料層嘅市民,似乎有段遙遠嘅距離。但我認為作為一個正常人,係同朋友或者屋企人食飯都要有最低限度嘅餐桌禮儀:唔做啲令人反感嘅行為。

我老豆,係一個農民出生嘅人,因此佢嘅豪邁性情有時令到我同佢食飯都不禁有啲難受。
老豆食飯食得好快,每次佢都係第一個食完嘅人,然後佢就返係梳發到,當住其他仲食緊人嘅人做啲應該入廁所先做嘅行為。

「卡~~~卡~~~~吐」
「習習習~~~~卡~~~~習習習~~~卡~~~吐吐」

食緊飯有呢啲配音都咪話唔醒神架!!哈哈!所以我曾經有諗過,係大家食飯個陣,去扣喉助下慶~

老豆就係咁,不過老豆唔係蠢,佢對住外人從來都唔會做呢啲事,所以呢個啲「特別優待行為」只會益我同呀媽,從此我決定食飯快過我老豆。

不過老豆呢啲咁「特別優待行為」都係只會係屋企出現,如果我呀媽個日心情唔好,仲可以屌返佢轉頭。

但我每次係街都接受唔到啲人食嘢啲啲習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習習聲。

首先我可以強調,由於我好細個就已經覺得呢種聲好討厭,所以我食嘢從來都唔會有呢啲種聲。但無奈出黎做嘢,你好難避免身邊總有一位人兄好鍾意同音效黎到同你分享佢對美食嘅睇法。

「呀吹……習習習習..你講啦..習習習習……習習習習習習習習習習習習..其實.. 習習習習習習習習習…我覺得..習習習習習習習習……習習習習習習習習習…」

我係覺得好煩厭架,但你無理由一巴摑落佢到架,咁我咪試下同佢講囉。
「乜你咁扮嘢架!?」

我扮嘢?我只係要求你唔好係食飯個陣合埋少少個咀,我就叫扮嘢!?
我突然諗到我老豆嘅平時口upup係講乜……佢應該就係話我咁扮嘢….

「挑!呀仔~~卡~~~~~吐~~~~卡~~~~你擦牙個陣~~~卡~~咪又係咁~~~~卡。」

ok,我扮嘢。自從個次之後,我唔再同人講我自己有幾討厭呢啲聲,我轉過黎話比人知,我可以比你更強。

「呀強~~~卡~~~~我呢~~~卡~~~吐~~~卡~~~~。」
成間餐廳望住我同呀強,我最後醒咗句比佢地聽

「挑!你擦牙個陣~~~~卡~~~咪係咁~~~卡!」

【後記】
無,我當然無咁做啦,我最後用咗個最折衷方法去解決。
人地食嘢,我講嘢,講大聲少少,咁就唔覺;佢一開始習,我立即講嘢,習完,食嘢。

本來都好地地,直到我去咗間茶記,全間餐廳都係咁習習習習習…………

blow@king.com'

吹水皇

港豬廢青一名。 只想吃喝玩樂不勞而獲 不求踏實地但求公屋有期。

More Posts

Follow Me:
Facebook

高人指點

comments