香港(做愛)土地問題

cc photo by flickr user UNO &TOU

cc photo by flickr user UNO &TOU

大半年前有對學生緊火到要係條街交配,呢件震撼咗好多嘅眼睛,亦震撼咗我嘅腦部。
當時我同大部份人一樣,一邊睇一邊係到屌,屌緊點解佢地可以咁放蕩?
同時亦仲有好多有趣嘅論點出現;例如係,佢地會唔會進行緊行為藝術呢?又或者係某宗教嘅禮儀?

不過多餘啦,點睇都似係飲大兩杯想快少少解決慾火姐。

同時偉大嘅特首又指呢個係香港土地問題,又再次淪為笑話。但後來我諗返,又的確係有道理。

*男女平等*
其實人嘅生理週期同現時社會嘅制度有著好大嘅反差。人嘅生存只為繁殖,做愛就一樣必然嘅事,但由於道德觀念同社會價值觀等,做愛呢件事成為好多人嘅禁忌,當中關係到社會結構同法律,仲好多心理學問題。

總之一句:我想扑野,但無得比我扑;唔係單純男人,其實女人都需要做愛。

但其實女人想做愛,係依家呢個年代仍然係一個禁忌。
同一件事,男人成功與一位女人做愛,同女人成功與一名男人做愛,大家會點解讀?
前者,人人會覺得男人好勁,可以溝到條女上床;後者,條女好賤,隨隨便便同男人上床。唔覺?
愛迪生單醜聞入面,有冇覺得男主角可憐,被咁多個女人食過?冇,同時佢亦成為左大部份男人嘅偶像。
女人係性方面,其實就係好唔平等。

但香港地,唔單性女性就連男性想要求性,都好難。

*做愛問題*
我唔係講去叫雞,落老蘭溝仔/女個種,我亦係講一對小情侶,20歲出頭,想做愛可以點?
開房,你知唔知開房幾錢?一個岩岩投身工作,至甚未有工作嘅青年人,每次想扑野都要幾百蚊,知唔知有幾肉赤?尤其青年人「精力」充沛,一星期至少要有3,4次先算係健康嘅性生活。

咁你會話,等屋企無人。
呢位說話就係視乎你屋企有幾多個家庭成員,先至可以計算你幾耐先有可能等到屋企無人。
我有個極端例子:有位老友,佢屋企有呀嫲,呀姨,老豆呀媽,同兩個妹,佢地同時屋企無人嘅機會就只有年初一,佢地全家一齊出去拜年個日。

咁仲可以點?咪忍住先囉,再唔係咪叫呀妹出房到等幾分鐘囉。

就連一個人嘅基本性生活都無,仲談什麼偉大嘅夢想?所以好多後生仔,買樓唔止係諗住投資,只係希望自己仲有個位去扑野。
至少,我唔想我一邊扑,隔離呀陳生係到全程聽住,而中間只係隔一層板。

假如某日你係公園到見一對小情侶係到進行運動,請你除左觀看之外,請再送上你最真誠嘅祝福,希望佢地可以快D有個地方扑野。

(純粹9up,多謝收看)

blow@king.com'

吹水皇

港豬廢青一名。 只想吃喝玩樂不勞而獲 不求踏實地但求公屋有期。

More Posts

Follow Me:
Facebook

高人指點

comments