生猛龍蝦任點任食每位都只係…

圖片來源:作者

圖片來源:作者

香港食自助餐,好多時候都係用大堆頭既cheap野去令你覺得咩都有,再加一兩樣貴啲既野令你覺得好抵,但係其實食完都係飽飽濟濟頂住個胃,唔會話有咩值得回味,當然,我講得呢間就梗係想話你聽呢間係例外啦。

我唔係呢間既員工,佢又無請我食免費餐,亦都唔會所謂識得佢個廚師,但以一個食客去睇,佢地每樣食物都似係比左心機去煮,雖然選擇唔多,但係上至海鮮下而炒飯都會係好味既,而且服務亦都好好,一坐低就會問飲咩汽水橙汁,仲會不斷refill,就食完又會問你飲咩咖啡或茶(雖然走左單…之後仲自動響應環保走埋飲管…),但係服務態度係良好既。

廢話講完就開始講食物,佢呢度既賣點係海鮮自助餐,凍既海鮮就正常野蠔、螺、蟹腳、藍青口、面包蟹,食左中間個三樣,作為一個食蟹中人,佢令我食到多少鮮味,夠粗大(隻蟹腳),收晒貨,其他就正常野唔特別覺得有咩分別,而佢最特別既係有好多醬汁可以簡,試多幾隻味都唔會寡。當然,魚生檔亦係格離,無咩點食不過睇落都正常。

抱歉地我已經直接skip左前菜直去主菜,就係標題所講既任食波士頓龍蝦!有研究開龍蝦既(我知無人有研究開)都知道,其實波士頓龍蝦算係咁多種龍蝦之中最平既,係街市大約要百幾蚊斤,你食到佢兩隻都已經有斤幾兩斤兩三百蚊,而且佢亦都有八款醬汁比你簡,你食到既可以每邊試一隻味,食夠四隻(係呀包你回本呀)……你可能會問,妖其他自助餐都有龍蝦啦有咩咁特別,咁我就話過你聽:

1)如果你係將新鮮同急凍個啲比就無得比,好食十倍
2)你只要想食,佢真係無限供應,唔會等到你唔想食
3)佢係用開邊蒸既方法,比尖沙咀某一間用白灼既方法好食好多,啲肉爽得黎唔un,啖啖都有濃濃既龍蝦味
4)唔知佢係咪真係特登入貨入啲靚既,我食好多隻都有膏
5)總知我無係另一間食過咁好味既

話得佢樣樣好食又點只龍蝦好食?仲有芝士焗扇貝,大過五蚊銀,又大粒又新鮮,牛肉如圖,粉紅食無血水有牛味,仲有佢條牛骨都好香口好好味,燒味okay好後悔無拎乳鴿,出左一輪就無左,其實仲有個白酒煮青口仲好食過凍個啲,其他主菜同熱食都係誠意之作,試一舊都無壞

食到呢度應該都有9成飽,但係作為一個貪小便宜既香港人,食自助餐唔食到十五成飽又點會對得住自己?因為!甜品都未開始食!不過佢啲甜品就唔叫好出色,有啲港式蛋塔,老婆餅,豆花之類,亦都有啲fruit tart cheese cake同卷蛋,雪糕就普通吃緊掉,而比較特別既就係圖中所見既呢隻厚格仔餅,可能食過貴酒店既自助餐都會見過,而佢呢間既特別之處就係佢係綠茶味既!出得綠茶,當然有紅豆做配料啦,而除左紅豆,亦都有好多唔同既醬料同埋雪糕比你配埋一齊食,你睇圖就明顯地我係貪心左落得太多lol

食到呢度都差唔多十五成飽,而呢間五星酒店既自助餐用埋75折promotion星期日每位都唔洗五舊!因為我咁多年都無咩見佢有做宣傳,所以仲要係坐唔滿既!如果坐爆左你估我仲邊有可能食得咁爽!所以,你睇完就恨下,或者上網搵下灣仔呢間隱藏自助餐係邊,搵唔到既,就去返自助山lor,無事架😏

食食食食懵你

鍾意煮亦都鍾意食,最鍾意就係食下啲家常野同滄海遺珠野。覺得好食既野唔一定在於佢有咩材料同煮法上既特別之處,而係在於煮既人對食物既一份執著,希望可以用呢個理念同大家輕輕鬆鬆分享食既樂趣。

More Posts

Follow Me:
Facebook

高人指點

comments