執房

cc photo by flickr user Sean MacEntee

cc photo by flickr user Sean MacEntee


我同呀哥一間房已經超過20年,咁多年黎超過8成嘅位置都係比佢霸咗黎用,而我嘅私人物品就只可以暫時咁放係張櫈又或者係檯上面。
當然呢種有情況就只會繼續被人話我亂放雜物。

終於咁多年,我呀哥決定今年年尾就會搬出去佢同佢老婆一齊住,我開心到不得了,當然最主要係我終於可以有啲位放自己嘢。

而我又面對另一個困難

【咩都要】
我相信大部份嘅朋友執房最大嘅障礙就係執執下,你發現到啲兒時嘅寶物:自己畫過嘅教科書,斷咗腳嘅高達,已經行唔郁嘅四驅車等等。
你一望到佢地個下,就會有無限回憶。

好快你就好似中咗「月讀」咁,不斷陷入回憶當中。不知不覺,你一早安排諗住1個鐘頭就執好房,將啲垃圾掟埋出去。
最後你只係執咗幾疊廢紙出黎,其他嘢?

乜。都。無。郁。過。

香港啲屋有幾細大家知,如果要哂放自己嘅回憶真係幾個迷你倉都唔夠放。所以一定決定放棄啲嘢。

【遺憾】
我,呀哥,同好多人都一樣,好多嘢一直放哂係自己身邊永遠都唔會去望下佢,永遠到人地迫你要執嘢要掟嘢個陣,要你決策嘅時候,就發現呢好多嘢都唔想扔。

部四驅車一直都係你身邊,但咁多年你黎有冇開過佢嘅摩打?

你有冇關心過佢仲行唔行到?

你有冇定期去望下佢,幫佢加返少少油?

無。
直到某日佢真真正正要離開你個陣,你就好唔捨得個一小時嘅聚會。你開始心酸,開始難過,開始後悔點解自己無理過佢。

你決定留返佢係到,正如其他你嘅兒時回憶一樣,放返係到,你發誓自己唔會再忘記佢地,你知道你會再次關懷佢地。

直到。

直到下年大掃除嘅時候,你先至會再次見返佢地,然後再次後悔。

好多嘢其實係你身邊,只係你一直都以為自己忙,而你無去理過佢地。

blow@king.com'

吹水皇

港豬廢青一名。 只想吃喝玩樂不勞而獲 不求踏實地但求公屋有期。

More Posts

Follow Me:
Facebook

高人指點

comments