我的數碼暴龍世界(三)

到POKEMON GO已經完全摧毀哂香港人嘅心智嘅時候,唔知大家仲記唔記得幾個月出咗一隻《Digimon LinkZ》?

作為粉絲梗老閪立即玩,入哂FACEBOOK GROUP,上網搵定哂資啦。

老老柒柒,手遊無咩故事都好正常,佢嘅玩法大概似《魔靈召喚》呢款遊戲,都係抽蛋打素材進化進技等等。

認真一句,遊戲性亦都好低,以三打三關數制嘅去打素材升及,仲要係限時之內打究極體進化。

好坦白講一句,我認為課金遊戲最大問題唔係提供多一種「捷徑」,而係提供唯一「出路」比你。

即係話如果閣下肯課金可以「更快更多地」得到遊戲中嘅珍貴素材;而後者,就係你唔課金「永遠都唔會成功」。畢竟要令發展商生存,賺錢係必須但我就認為呢隻遊戲似乎唔係太令值得比錢。連最重要嘅「對戰」都無,只令到我得返唯一一種想法就係「集郵」。

開頭都玩得開心架,純粹儲怪。得閒黎J下,但好快我又收咗佢皮。因為我知道PS VITA 新出一隻《數碼暴龍世界 新秩序》!真係聽到都硬!

終於等到中文版!我懷住興奮嘅心情開佢包,故事同廿年前嘅一樣,又擔當救世主去拯救數碼世界,所以故事其實我都廢事講,我就係到講有咩好同差。

畫面上一定會比廿年前個隻好啦!(其實呢一點都幾廢)

係玩法上我地今次係帶住兩隻獸周圍走,原因其實大家都知道就可以玩合體(奧米加獸OK?)

好多人氣嘅數碼獸出現,你可以養成物種都係好多嘅。

係對戰時亦都好多咗好多選擇,而且兩個打一個,好多時候都輕鬆取勝!

舊版最令我煩惱嘅係,如果你MISS咗唯一可以從佢身上學招嘅怪,就永遠都無可能學到,但新版係呢方面就改良咗,令到學招無咁難。

不過我想講,我認為差嘅嘢比較多。

正如我所講,舊版其實你要令到其他人加入開始之街係需要做好多工作,除咗戰勝,或者搵道具之外,可能要係符合某啲條件:合適時間出現,進化成為某隻怪,釣魚,為對方工作,或者記期去探索舊地區等等。

但新版除咗比道具,就打打打打打打~真係有啲無聊!

係進化嘅方面,我認為佢降低難度:舊版進化完全體係唔容易但新版要成為究極體就十分簡單,只要你對佢唔係太差,有飽飯食就佢可以自己進化。

另外個人嘅感覺就係因為佢主力要推動畫出現嘅主角,好多我以為都喜歡嘅獸例如:人馬獸,角龍獸等等都唔見佢地嘅出現。

地圖其實更加令我失望,一來變化好少,二來佢所造出黎嘅氣氛一般,最重要係舊版會有好多互動嘅地點,但依家就只係得個大同立體咗。好多時都只係鳩行,無咩吸引我嘅地方。

支線故事同頭先加入嘅睇法就一樣,一味得個打字:記得以前要追奧加獸個段故事係好吸引~仲有怪娃皇換道具。

唔知係咪人老咗,覺得舊時嘅嘢好啲,新呢兩款遊戲我真心覺得麻麻地,好難搵返以前個份熱血出黎。

講到咁,我都係玩返舊版個隻開心下先。

blow@king.com'

吹水皇

港豬廢青一名。 只想吃喝玩樂不勞而獲 不求踏實地但求公屋有期。

More Posts

Follow Me:
Facebook

高人指點

comments