阿吹的膳食房:即食麵

cc photo by flickr user Daniel Go

cc photo by flickr user Daniel Go

本來我寫公仔麵,但始終要解釋一下佢嘅本意所以我係寫返即食麵。
無錯!今集就係寫返大家平時都一定會食到嘅即食麵。以我認識嘅朋友當中,一定有一個係特別對公仔麵有癮,同佢食車仔麵個類,佢地都係首選公仔麵為先!

其實即食麵呢類可以保存嘅即食麵前身,可以話係伊麵。因為經過油炸之後,水份大量抽走,因為就可延長保鮮期。而一講即食麵就必須要講即食麵之父-吳百福。

1958年代日藉台灣人吳百福係大阪府池田市發明第一包即食麵,稱為「雞湯麵」,其後就開始出「日清公司」。而即食麵就開始係世界上流行起黎。
後來麵亦分開袋麵,杯麵,泡麵等等。
而口味都因為世界各地嘅飲食文化而出現更多變化。例如:泰國冬陰公,雲南酸菜味,越南牛肉湯等。

而因為地點同文化,所以慢慢都會出現非拉麵類嘅即食麵:好似即食意粉,米粉,河粉等等。

即食麵嘅文化亦因此係香港成為一個重點,而我相信大家細個同我一樣都好期待可以食一包「出前一丁」。當時同期亦都有唔同類型嘅仿造品:好似「生前一丁」,「七寶一丁」,「康斯但丁」,總之有得「丁」就好啦!
因為大家對即食麵嘅喜愛,所以係香港茶餐廳即食麵就有一個重要嘅地位啦。

沙牛麵,餐蛋麵,豬扒炒丁,瑞士汁雞翼撈丁,同埋近年個個都鍾意食芝士撈丁,加埋韓國吹到行一行嘅辛辣麵,部隊鍋,同埋毒撚一定要食嘅營多等等。
可以見到依家即食麵係社會上真係有住重要嘅位置,如果唔係點解啲劇永遠都係話煮個麵比你食呢?

不過眾所9知,本皇係一個鍾意食淋麵嘅人,所以有時出外食麵就算我強調話要佢寫淋啲,但廚房都未必煮到我岩嘅心水,更加唔好講去打邊爐可以食到即食麵,因為每次包麵一放就會立即比人夾哂。

外國有廚師發明用即食麵黎做漢堡都可算係新穎嘅嘗試,而本皇一直都好想試下做一個「部隊鍋PIZZA」!
原理同即食麵漢堡差唔多,用即食麵做底,加上餐肉腸仔泡菜蔥豆腐茄汁豆芝士放入焗爐搞搞佢,相信一定會好正!
不過我一直都好懶,無呢個動力去整。
如果有日我研發成功呢個「部隊鍋PIZZA」一定放上黎比大家睇!。

blow@king.com'

吹水皇

港豬廢青一名。 只想吃喝玩樂不勞而獲 不求踏實地但求公屋有期。

More Posts

Follow Me:
Facebook

高人指點

comments