很想去捕捉牠

1424325122-2481647137

自從Pokemon Go正式登陸香港之後,成街好多男男女女都為此發晒狂。(筆者就係其中一名訓練員!!!)

有啲朋友可能唔係太理解-點解你地班友為左隻Game痴晒線,居然大熱天時係條街行黎行去,半夜三更聚係個公園度就係為左捉小精靈?!

1424325123-276621521

係因為呢班友廿年前就已經係一個訓練員。
果時電視播寵物小精靈,未夠鐘就開定電視等睇架,記得小智遇上小火龍果集真係好感動,大約係小火龍俾佢主人(小智個對頭)遺棄,就死的小火龍係草叢入面避雨,被小智等人發現,用塊大樹葉護住小火龍條尾果滴火,趕去精靈中心搶救。最後當然冇死,棄暗投明同小智一齊向目標進發啦,嗚呀……

每集播半個鐘完全唔夠喉,有時節目調動冇得播絕對要講粗口。不過唔緊要,仲有隻Game俾你加深毒癮。

1424325123-2719615218

當時第一代Pokemon 仲係Gameboy帶年代,分黃、紅、藍、綠四個版本。((其實除黃版外,其餘三個版本除左封面之外仲有咩分別?)

諗返起都幾過癮,拎住部舊款的大牛龜Game Boy玩,一開頭改名又講完一大輪終於到三揀一的時間, 揀邊一隻已經R爆頭。

揀完就去升LV捉小精靈再升LV去小精靈場館挑戰拎勳章,果時唔駛係條街行黎行去嘅,撳個十字掣就得喇!!!!

1424325124-3813297350

仲要捉果三隻雀(雷鳥、急凍鳥同火鳥),喂大佬好鬼緊張架,要事先買定晒精靈球,行左幾個大圈終於搵到隻雀,又要好小心事先Save一次,為求易啲捉到,要先打到佢半死,太重手死左就冇TAKE 2,太輕手就會俾佢打到半死。仲刺激過芒亨屠轟龍!!!!!

好喇,順利嘅話,玩左幾十個鐘應該可以嬴左四大天王打爆機,跟手又要去山洞捉超夢夢,真係升到盡,仲可以拎住條對打線落街搵其他O靚仔對戰。講起都回味無窮呀!!!!

你可能諗:喂阿哥,講左咁耐你想講咩呀,點打舊版Pokemon上網都搵到啦,駛鬼你教咩!!!

其實原本打呢篇野嘅原因,係因為Pokemon Go而諗返起以前玩過啲玩意,即係除左比卡超仲有數碼暴龍、四驅車之類,點之一講停唔到手,唯有下次繼續。

好,講完!!

高人指點

comments