如何變老而不變老屎忽

cc photo by flickr user enjoy my wife too

cc photo by flickr user enjoy my wife too

歲月催人老,係幾得人驚嘅。

其實人老咗,就自然會自恃。呢個係人生必經嘅變化,因為喺世界活得越長久,經歷越多,「自我」、「自信」就越強。道理好簡單。例如你啱啱學識一樣嘢,人哋話你錯,你比較容易接受;但如果你做咗嗰樣嘢十年,行之有效,有日有人忽然話你錯,你就未必接受得到。呢個情況係必然嘅,唔係一句「赤子之心」就可以破解。因為如果你過咗十年,你都係好似初哥咁不斷懷疑自己,咁所謂「經驗」,所謂「見聞」,所謂「閱歷」,就要全部作廢。你想要依賴呢啲嘢,就要接受,你慢慢會變老屎忽。

所以,你要人唔好自恃,其實即係否定人嘅歷史,剝奪人嘅自尊,剝奪佢嘅身份認同。基本上同中共鎮壓各地嘅本土意識咁仆街嘅嘢冇分別。
但令人擔心嘅係,好多人四十歲都未到,就覺得自己啱晒,唔會錯,就算錯咗都唔使道歉。試諗下,呢啲人,好多其實係一事無成嘅廢渣。如果連佢哋柒咗大半世都覺得自己唔會錯,咁我就更加要小心僅慎,免得學咗佢哋咁樣。

所以做人要謙卑。所謂謙卑,唔係話唔可以認叻,而係唔好將自己擺喺宇宙真理之上。呢個道理,有啲似啲耶教徒喺神面前要謙卑。人可以勝人,但人唔可以勝天。挑戰上天,就會受到懲罰。唔接受客觀事實嘅人,只會踏上滅亡嘅道路。

人變咗老屎忽之後,就會死。呢個係自然定律。近年所謂醫學倡明,話要延長人類壽命乜乜乜,造福人類喎。我想講,成班醫撚都 on9 嘅,好心搵個(應用)哲學家傾兩句,免得遺禍人間啦~

散彈一號

全職文字工作者、應用哲學家。對「邏輯一致性」、「系統複雜度」之類的偏門學問獨有心得。在美利堅合眾帝國邪惡資本主義集團的領導下,嘗試改變世界。

More Posts

高人指點

comments