課金同貪污其實無咩分別

cc photo by flickr user Jo Naylor

cc photo by flickr user Jo Naylor

手遊市佔率越黎越多,可以製造出嘅經濟效益都越黎越大,呢個可以話係新時代嘅方向。
但自從2年前跳過海,使過錢我就知道呢個係一個墮落嘅開始,講嘅唔止係我,而係成個世代。

因為課金本質上黎講,同貪污無分別。

【遊戲】
細嗰玩嘅遊戲,鬥嘅係技術,要嘅係訓練,講嘅係發揮。
事實上,我細嗰已經了解到遊戲機就一個鬥獸場,差在你係對電腦定對人。

從我人生玩第一隻俄羅斯方塊,街頭霸王到依家林林總總咁多隻遊戲,隻隻唔係話你一玩就搞得掂,你要了解同分析,每隻遊戲嘅獨特之處。
就好似做人一樣,由你一開始就要學習,失敗再學習,再重覆你先至可以得到你想追求嘅野!

小學嗰陣玩POKEMON,我為左升爆水箭龜用左幾多時間?為左捉雷鳥我使左幾多粒精靈球?
我望住自己隻小精靈由1 LEVEL嘅廢柴,變成今日精英隊伍,我花左幾多心血!

仆街!你依家同我講,比五舊水就可以直接買隻超夢夢返黎?我屌你老母呀!?

【捷徑】
課金呢樣野,對一個遊戲玩家黎講,真係好戇鳩!
隻遊戲就係考你技術同了解,你依家就黎玩比錢抄捷徑?

咁你同每年封幾百萬比校長,然後就可以送自己個仔去名校讀書嘅狗官有咩分別呀!?你答我丫!?

你地打機可唔可以有少少尊嚴!?

不過對唔住……我都跳過海,但你唔可以怪我架?
人地隻隻唔係諸葛亮,關羽就係呂布,我自己就得返周倉,華雄,潘鳳,再配多隻黃巾兵,叫我點同人打姐?

【風氣】
如果全世界得一兩個去貪污,佢地呢種就叫卑鄙;但全世界都貪污,而你唔貪你呢種就叫戇居!

係呢個課金時代,我的確好體會到。因為你唔課金根本就連基本嘅遊戲條件都無得你玩!
個情形就有如你免費得到一隻試用版咁解,你想繼續用?得!比錢囉。

而我地係會分開幾百件咁賣比你。正當你以為買哂完整版?
SORRY,我地岩岩update左新版啵~

課金制度只會繼續落去,開發商都係需要搵食;而我,絕對唔會再課…..(應該)

blow@king.com'

吹水皇

港豬廢青一名。 只想吃喝玩樂不勞而獲 不求踏實地但求公屋有期。

More Posts

Follow Me:
Facebook

高人指點

comments