看醫委會改革—政府輸入中國大陸醫生

圖片來源:蘋果日報

圖片來源:蘋果日報

講真,好多嘢,其實專業界別嘅人係唔方便開口講到明,但唔代表呢啲事係唔存在。因為專業界別嘅人喺公眾視線內發言,一方面代表業界,更重要另一方面係代表專業。專業嘅嘢,係要有研究,有數據,有論文去證明先講得。當呢種訓練主導咗整個人嘅思想體系時,講嘢就要好小心。所以大家唔難聽到醫生講話「呢個情況可能會好嚴重又可能會無事」之類嘅嘢,咁講係負責任,而唔係不負責任。

但,當一樣嘢其實唔係用「專業數字」去衡量時,有啲事實係大家人所共知,但醫生係唔應該用醫生身份去講,儘管呢啲係事實。好簡單,例如大陸人嘅醫德問題。其實我唔使用醫生角度去睇,你一年睇下大陸有幾多單醫療事故,去到咩鬼大醫院都會開刀產子變開刀偷你腎,你睇下大陸「送紅包」畀醫生係幾咁普遍,你自己對於大陸嘅「醫療風氣」係點應該好清楚。而且大陸嘅「醫療知識」去到邊呢?訓練喺唔同省市地方又係點呢?好多人都指出(包括高貴嘅大陸人),大陸醫院係唔係都同你「打點滴」,吊鹽水,係唔係都開抗生素(已有研究話大陸係最濫用抗生素嘅地方之一)。咁香港係咪想要有呢啲醫生呢?

呢啲係好實在嘅問題,唔係左膠話「點解又講大陸」嘅問題。好簡單,香港最近邊度?香港「一國兩制」係喺邊一國之下?醫療改革之後邊個地方會最近最「受惠」?呢啲問題我覺得根本就好明晰。當然,醫委會嘅委任數字亦係另一個重點,我唔反對。

更加可恥嘅係,左膠喺呢個時候粒聲唔出,平時就竭力話大陸壞事全部都係以偏概全,話你哋歧視,話大陸只係制度有問題,啲人不知幾好。屌,而家咪就係話大陸「醫療制度」有問題囉,其實係邊個拉埋啲人去講呀死左膠?家陣澳門就係「回歸典範」呀,你睇下佢哋啲醫療搞成點?點解要害到香港都係咁?點解左膠仍然堅持唔肯承認現實?

林非

離經,不欲縛於經書舊說。八十後,以追求人生自由之道為己任。

More Posts

Follow Me:
Facebook

高人指點

comments