祖宗十八代生前死後完美幸福人生訓練計劃

d242ae6ec0b1ca9be7c89467436cd647

正所謂執輸行頭慘過敗家。
村民每日朝思暮想,都係想幫驢仔「出驢頭地」。

經過上次才藝比賽,有人贏自然有人輸,輸家固然加緊訓練。
贏家就變本加厲,為「幸福將來」作更多計劃。

當時村民一般只會為驢仔在懷孕期間作好訓練計劃,經過才藝比賽一役後有部份商人見識到這班村民為求目的不擇手段的變態心理,諗出一個更加吸金的生意:

「祖宗十八代生前死後完美幸福人生訓練計劃」

為初生驢仔定好人生計劃,已經唔夠,如今呢個高級的訓練早就在配種其間為驢仔的下下下下足足十八代都做好計劃。
從佢出世到配種到死,再到佢地下一代再配種到死,都幫你諗定哂。

驢仔由細胞,蛋白質變成精蟲前,已經決定左佢下幾世要做既野。

隔離村個細路見到呢個咁痴線既計劃,忍唔住又過黎挑班村民機。

「其實你地同訓練奴隸有咩分別?」

此話一出,班村民立即著哂火圍屌個細路。
無辦法,班村民一直以「愛護」驢仔自居,如今有人一下篤爆佢地既行為真面目,當然老羞成怒。

驢仔,點會知道發生咩事,因為佢地一直都會係個班「愛護」佢地既村民底下,繼續奴隸制。

商人,自然可以繼續係呢種變態心理下面搵大錢,只要呢種「愛護」仍然存在。

村民,堅持相信自己「愛護」係真理。為左班驢仔,佢地幾多都肯付出,因為個種虛榮感好似毒癮咁吞噬緊佢地。

blow@king.com'

吹水皇

港豬廢青一名。 只想吃喝玩樂不勞而獲 不求踏實地但求公屋有期。

More Posts

Follow Me:
Facebook

高人指點

comments