那種醜惡的香港人

cc photo by flickr user maticulous

cc photo by flickr user maticulous

有事就走佬嘅人,只識得苛責於人。
 
你一邊話香港人龜縮,一邊否定果敢做事嘅進步派;
你一邊話香港人政治冷感,一邊將香港人嘅訴求抛諸腦後,又話係歧視,又話係法西斯,又話係冇抗爭倫理;
你一邊話香港人唔可以再退縮,一邊行山爭取民主;
你一邊話香港人再唔反抗就冇救,下一句就係不如移民算啦;
 
我覺得,好醜惡。好醜惡。好醜惡。
 
每個人都有為自己嘅信念奮鬥嘅權利,而你呢種,卻係自身毫無信念可言,只識得竊取其他人嘅光環。
 
究竟香港人欠咗你啲乜,係咪準時返工都唔啱?
究竟香港人欠咗你啲乜,係咪行街睇戲聽歌食飯都有罪?
究竟香港人欠咗你啲乜,係咪只有政治明星先可以恐懼受壓?
究竟香港人欠咗你啲乜,係咪只有泛民主派先可以同中聯辦開會?
 
每個人都有為自己嘅信念奮鬥嘅權利,而你呢種,卻係自身毫無信念可言,只識得竊取其他人嘅光環。
 
你哋大部份人,正正就係咩都冇做過,就只係打飛機,打到全世界都睇到晒,然後就話:港豬們,你醒未?
 
每一個覺醒嘅港豬,都只會恨不得將你哋呢啲屍蟲,一把火燒成灰燼。

散彈一號

全職文字工作者、應用哲學家。對「邏輯一致性」、「系統複雜度」之類的偏門學問獨有心得。在美利堅合眾帝國邪惡資本主義集團的領導下,嘗試改變世界。

More Posts

高人指點

comments