當坐地鐵要舉牌

cc photo by flickr user John Seb Barber

cc photo by flickr user John Seb Barber

還記得有一次搭地鐵既時候,見到一個後生仔好聚精會神,一副忘我既模樣坐係地鐵座位上碌緊自己部手機既時候,我就知道……

當佢抬起頭望吓個世界既時候,世界將會變得不一樣。佢應該會疑惑點解全車人,尤其是係啲中年同上咗年紀既人會向佢報以仇視、鄙視既目光,可能佢會諗佢塊面係咪有屎跡,或者係生得太樣衰。

個答案當然就只係因為佢坐咗地鐵既座位啦。

留意返喎,唔係黐住紅色標示,有個黃色公仔大大隻字寫著優先座既位,個後生仔只係坐咗上一個好平凡、好普通既一個銀色位。

咩話?唔坐優先座都會畀人睥?係呀,好搞笑呀?無奈現實就係咁囉。

坦白講,設立優先座關愛座既原委就係想喚醒社會上對其他有需要人士既關懷,包括但不限於,係不限於、不限於(好重要所以要講三次)老人家、殘障、孕婦等等。其實你係有需要,基本上你已經符合坐呢個位既條件,但無奈既係現實之中的確有為數唔少既人會對坐咗上關愛座既人口誅筆伐,甚至係討伐坐咗上平凡位既人。老老實實,唔通個後生哥發燒啱啱睇完醫生搭地鐵返屋企又要同全車人交代咩,個女仔咁啱親戚黎又點同大家解釋?但好明顯,畀人聲討既人只有多沒有少。

都係嗰句,設立呢啲座位既原意就係想社會多一點關愛、少一點冷漠,多一點同情、少一點無視。現實情況係,有好多有需要既人要坐,但外表特徵上唔能夠畀眾人見到佢地係有需要,當我地唔能夠好肯定坐上去嗰個人係咪真係有需要,定係身壯力健既時候,呢樣野個性質其實唔洗審都知係屬於自律性質,如果唔係自律既,咪舉住個牌,大大隻字寫住「我撞親膝頭呀」、「我咁啱姨媽到」、「我啱啱做完手術」咁囉。

或者地鐵或者巴士公司下一次要設立既係「坐上優先/關愛座時,請出示證明為有需要人士」,咁咪一天都光晒囉。

不過其實都唔需要啦,反正都冇人敢坐架啦?唔係咩?

派拉特

沒有文字,又怎能說心事?

More Posts

Follow Me:
Facebook

高人指點

comments