香港拍拖旅遊誌:黃金海岸酒店 | 屯門

圖片來源:作者

圖片來源:作者

平時拍拖拍到悶,可以參考下我地呢啲兩日一夜既香港拍拖旅遊行程。我地會介紹平靚正既酒店,最重要係,附近既靚靚景點!

位置:屯門青山灣青山公路1號
價錢:五月平日價:$590/晚 (太早book會貴左,要$800,去之前個個星期睇$580有找,不過酒店呢家野係海鮮價所以未必一定會平左)
推介設施:酒店泳池

呢間似旅行酒店,細個成日跟屋企去,好旅行既感覺,好好玩。不過今次重遊舊地,發覺多左好多樓同人,污染都嚴重左,冇以前咁靚。

酒店好似翻新過,係用耐左既靚酒店咁,不過啲野都乾淨。廁所有浴缸同企缸,張床好橫但有些少短 ,對於腳長既我嚟講有些少唔慣,好似一申隻腳出去就掂唔到床咁。

房境係海境,多數都有得upgrade到有露台既(好似未試過唔upgrade)。露台冇咩設施,個境都幾靚,但係以前靚好多囉!

酒店係黃金海岸泳灘同咖啡灣隔離,可以游水,不過水質麻麻,似終近珠江河口同多大貨船係度經過。

不過酒店泳池真心唔錯!有小朋友同大朋友池,又大又靚,有深水(2.3m)同淺水,亦都有滑梯同水既遊玩設施,建議唔去沙灘都去下泳池。

泳池後面有個幾靚既花園仔,俾人結婚用。可以去影下相,不過小心俾蚊咬。

野食方面,有黃金海岸商場。價格較高,不過質素唔錯,有set dinner,亦都有間茶記,不過openrice話唔好食。

建議行程:
Day 1:
1500 check in → 酒店游水→ 食野 → 行沙灘

Day 2:
Check out → 出番屯門V City食野行街 → 有心機既就去下白泥影日落

交通:地鐵去到屯門,V City一田超市出口對面有個巴士站搭K53。其實有好多巴士同小巴經過,可以去酒店個網睇下。

近排見Yahoo團購有出黃金海岸酒店,好似大約一千蚊包二人晚餐自助餐同房,真心幾抵玩,因為walk-in自助餐要約五百蚊一個人,下次見到記住買!

❤大家睇完既就記得follow我既instagram專頁:playnsleephk

http://instagram.com/p/BFbZIXLE_aD/

play@sleep.hk'

playsleephk

https://www.instagram.com/playnsleephk/

More Posts - Website

高人指點

comments