如果復仇者出現係香港,舐野個個係自己

captain_america__civil_war___international_banner_by_ratohnhaketon645-d9yyuug

富爸爸呢款典型動漫毒男就算結婚生仔之後,都係會繼續沉淪係科幻英雄機械人世界入面。Marvel – Civil war 當日就快出個陣,富爸爸同我講一定會睇仲問我會唔會陪埋佢一齊入場,我話如果唔係太迫都無問題(不過都廢話,呢套戲除非早場否則都應該場場爆滿)

跟手富爸爸講左句:「點解香港就係拍唔出呢種咁出色嘅電影?」
我腦入面早就有哂答案, 不外乎都係本地藝術創作難呀,市場口味唔岩香港人呀個類啦。

「因為香港根本唔會有呢種超級英雄!」富爸爸好似好醒咁爆左呢句。

「廢話!美國唔通真係會有Iron Man 咩!?」我反個白眼反到貞子咁滯,不過我知道富爸爸又有偉論。

「你諗下如果將Marvel嘅劇情放入係香港到,肯定變悲劇!」
「願聞其詳。」我點著支煙。

「你咁鍾意蜘蛛俠,我就講蜘蛛俠先-Peter Porker係咩人丫?
毒撚一條,無車無樓無現金!就算比佢咁醒考入科大都只係會淪為班高官口中嘅廢青咋姐。係你又萬念俱灰嘅時候,竟然比你得到超能力,你會點?我連摔角都唔打就直接去幫D地產商收地村民地啦!不過綠帽佢就帶硬,Mary Jane一定跟綠魔呢種富二代走佬。
好啦,Tong Stark!?唔使講,一定係地產吸血鬼。
隊長啦喎,老派軍人實係第一個衝出去打鳩你地班搞事廢青嘅解放軍。」

「咁Hulk同Black Widow呢?」我問。

「男嘅又醒又抽得,一定被黨捉左去再思想教育然後咪照照地幫國家做野囉,女嘅呢只會變成李私煙繼續幫到黨賣命。」

「屌咁你講哂啦,Black Widow變李私煙我接受唔到!」我立即將煙整熄。

「咁咪係囉,所以香港點會拍得出呢種戲丫?」富爸爸表演出個種發表完偉論嘅沾沾自喜。

「咁人地超級英雄會有正義感架嘛!」
富爸爸又露出個種邪笑搭住我膊頭:「正義感?!乜香港仲有嘅咩?」

又比條仆街將一軍。
我決定唔會同佢一齊睇呢套戲,因為我唔想見到Scarlett變李私煙。

blow@king.com'

吹水皇

港豬廢青一名。 只想吃喝玩樂不勞而獲 不求踏實地但求公屋有期。

More Posts

Follow Me:
Facebook

高人指點

comments