無謂浪費青春

cc photo by flickr user ♥ Miss A ♥

cc photo by flickr user ♥ Miss A ♥

有種o靚妹係叔叔控,至少佢地睇韓劇時覺得宋仲基、金秀賢只係一般貨仔,反而心心眼趙寅成、晉久、蘇志燮、張東健呢啲熟男。可能你唔知以上嗰堆泡菜是何許人,不過冇關係,因為我都無法理解到底有幾吸引。而現實中唔係嗰個三四十男人都有車有樓又有料有樣,問題係點解有種女人硬係鍾情於呢堆大自己十幾年嘅男人?答案都係不外乎安全感呢炸虛渺飄茫,又好難捉摸嘅標準……所以我亦唔探討呢個問題落去。

我淡淡然話其中一個o靚妹:「晒氣啦你,食下個仲好啦」「屌」從佢悔氣嘅語氣就得知,佢可以講既就只係剩返粗口,因為連佢都開始覺得好撚晒氣。雖然我一直好蔑視你地啲人歧視男性,姐係點解一定要個男嘅搵(約)個女?點解要男表白而唔可以個女表白先?但家下人地熟男下下up前女友個term出黎,仲叫你搵佢都戇居啦屌。

拿,即係如果分手以後只做朋友,亦只係諗住做朋友,冇任何挽回餘地,咁何苦要無時無刻都無意強調對方係前度?驚死其他人唔知你地一齊過?驚死其他人唔知你地攬過錫過屌過?「琴日前女友打電話黎……」「前幾日同前女友去食飯……」「我前女友都有話……」每次聽返友人以上嘅轉述都覺得成件事好低智,姑且勿論嗰個叔叔對你點好,好到飛天都好,如果佢開口埋口都係前度,你就應該醒水嗰位前度十成九點九九九係佔據嗰男人生命中好多回憶嘅人,以致佢無論講乜柒都可以提到前度。

試問如果佢已經付出過九成心力去愛上一位,咁你覺得佢可以為你付出幾多?你又係咪可以唔計較佢到底愛(過)邊個多啲?好喇,就當你可以咩都唔計唔比較,咁佢呢?咪傻啦,佢就係計過度過先將你安置於進可攻退可守嘅位置,至少佢對你如何溫柔體貼也好但亦從來冇開口話想同你一齊,right?換個說法,你未令佢覺得:你係值得佢為你all in再重新開始一段感情。

一個男人對你點樣好都好,由你發現佢冇打算同你一齊嗰刻開始,你就要知醒。無論係咩理由,還原基本步不過係唔夠愛嘅藉口。對你好就只係純粹想曖昧下又唔想受束縛講責任,而曖昧對象其實唔一定要係你,所以醒未?

「你贏嘅只有青春無敵,但只係一時嘅打和,暫時嘅替代,因為你唔會永遠十o靚歲。所以最後咪又係晒鳩氣。」

little@fox.com'

小狐狸

九十後無固定目標少女,咩都貪心想試下,例如:影相﹑寫作﹑行山⋯⋯宗旨係認真玩

More Posts

高人指點

comments