人在異鄉 – 有水準既咖喱魚蛋, 係以燒鵝既心機同材料, 造出蔗渣既風味:捉住6個重點材料

所有圖片來源:作者

所有圖片來源:作者

首先,有水準既 “ homemade” 咖喱魚蛋,係應該有「街邊味」既。

第二,係珀斯,一如其他所有港式野,係唔會周街都係咖喱魚蛋既,一係就長途跋涉,一係就唔好食,一係就長途跋涉得來唔好食既。所以你要食出呢個「家鄉既街邊味」(好強哲學感) 呢,通常 “最簡單直接” 既方法就係自己死去整囉。

第三,要整好食既咖喱魚蛋其實難過講波(OK,我查實係唔識踢波既),關於點樣將一條手心又係肉、左手又係肉既真魚,整成一粒粒既魚蛋呢,係屬於進階研究,而呢篇呢,我地暫時講番比較容易既部份先,就係去揀一的似樣既現成魚蛋,再去整一個自製醬汁。

IMG_8539

果個好神奇的祕製醬汁:

豉油 4湯匙
蒜蓉 4湯匙
葱頭 4湯匙
咖喱粉/膏 2-3湯匙
甜醬/海鮮醬 3湯匙

第5個重點材料: 無錯,你估岩左,就係魚蛋 以上份量整到約 500G魚蛋

做法非常容易:
落鑊爆香蒜蓉葱頭;
再爆咖喱膏;
再落魚蛋;
再落甜醬
唔喜歡太杰的話可以落多少少水

IMG_8538

至於魚蛋,當然要揀彈牙、有魚味的啦,唔駛多講(灣仔街市有間賣魚蛋好好食的,間唔屎會有試食(成粒喎),唔係一般小食店果的又粉又實既hea蛋。

呢個醬汁呢,係好耐以前上網搵返來的,記左入腦,而家想搵番個出處已經搵唔到了,裡面唔記得有無講到,加左甜醬同蒜蓉,整出來就好似街邊味,我自己食落又覺得係喎,如果大家搵到,麻煩send俾我,我要去多謝佢(係講句多謝咋唔係你想點,最多送的賣唔晒既澳洲零食俾你喇) 因為住係珀斯呢度,有時口痕起上來想話落街食街頭小食,係完全無囉唔該(一係就唔好食),下下都要自己整,座底要幾個鐘,而我既最愛之一車仔麵呢,真係全個省都搵唔到好食的。(真係… 這些機會…)

mr@roo.com'

Mr. Roo

Mr. Roo 係香港人, 不過而家住係澳洲珀斯, 八十後算是第二代working holiday香港人, 現職澳洲銀行、坐房所謂顧問果的茂里 (當然不是葉朗程的級數啦). 由working holiday時既低級打雜, 捱下捱下, 終於捱到而家大企業..... 既低級打雜, 真係除左恭喜之外, 我都唔知講咩好。 唔駛返工就食, 有得煮、有得食, 有分享, 有係香港售賣澳洲特色零食同食玩.

More Posts

Follow Me:
Facebook

高人指點

comments