戰鬥格嘅意義在於⋯⋯

cc photo by flickr user Beryl Chan

cc photo by flickr user Beryl Chan

上英文堂時,坐係前一排嘅女仔企起身,(經我目測身高一七零咁上下啦瘦底,佢著住條就快見到底褲嘅裙褲)緩緩地行出班房。

作為女仔嘅我都忍唔住望多兩眼,橫論我側邊嗰四位血氣方剛嘅男士,眼見四個男人同步擰轉頭昅女,我內心不禁為佢前排男友默哀,自己女朋友日日著到戰鬥格咁款,到底俾人視覺強姦幾多次?而以上情況持續左成個sem,我開始懷疑我眼前嘅其實係隻兵⋯⋯並唔係男朋友。如果唔係,想請教下係如何忍受女朋友行到邊都俾人昅到邊?

又有日,當我專心聽緊同學present嘅時候,嚇然發現眼前嘅女仔All back著住件小背心熱褲。咁其實都唔係問題,可能人地真係發熱,開住冷氣都出汗呢?多你嘅事。

然而過左一分鐘後,我就忍唔住頭耷耷⋯⋯姐係件吊帶背心v都deep晒,又黑色lace邊⋯⋯唔好意思打搞下,係咪出門太趕?其實嗰件應該係睡衣???

當佢行過黎坐係我側邊嘅側邊嘅側邊再側側邊,我又忍唔住眼多多望多幾眼,留意返個女仔一坐低就補粉⋯⋯唔好意思再打搞下,我想話其實再厚粉都係掩蓋唔到你嘅殘樣,再加埋你嗰煙燻眼妝,旁觀者就感覺有點heavy咁,而且好俗氣⋯⋯唔係人人夠膽望你超過十秒⋯⋯係到奉勸師主都係化返個淡妝,收斂返少少嗰氣場先。

有時有啲女仔著戰鬥格可能係為左釣厹、可能係為左收返隊兵打下仗、又可能覺得有料怕咩曬、又可能真係純粹怕熱所以著少布嘅衫(夏天恩物)。

當你地班男人話啲女著埋晒啲背心摟屌裙搏屌時,但其實有時女仔專登係你面前著少啲,不過希望身邊嗰位會緊張自己多啲,等你望多佢兩眼,然後不爽到唔得閒又冇晒心機昅其他女⋯⋯只要你開聲唔鍾意,佢地就會扮晒唔耐煩又成黎掩飾內心嘅喜悦。

如果連你都唔擔心佢會俾人睇蝕,咁佢著咩又有咩所謂呢?所以如果有女肯為你而放棄深愛嘅背心短裙熱褲,一定要好好珍惜。

little@fox.com'

小狐狸

九十後無固定目標少女,咩都貪心想試下,例如:影相﹑寫作﹑行山⋯⋯宗旨係認真玩

More Posts

高人指點

comments