維他奶的本土味道

20160425_194419

圖片來源:編輯尋日記得有依篇投稿

 

有留意超市、便利店飲品一欄嘅讀者,最近兩年會見到維他新推出嘅「港式系列」,盒頂更印有四隻大字「香港製造」。呢幾隻產品味道如何可謂見人見智,但維他奶懂得利用本土去賣新飲品絕對值得欣賞。

一直以來,香港的飲品市場都受外國勢力主宰,汽水類有可口可樂、百事,咖啡類有雀巢,乳酸類有益力多,惟獨是紙包飲品由本地嘅維他主導。維他多年來亦嘗試打入其他種類的飲品市場,例如蒸餾水、牛奶等,但一直都不算成功。唔知係咪受到太興出罐裝奶茶啟發,定因為本土風吹,維他終於喺早兩年以「港式」為題,重新推出奶茶、咖啡類飲品。雖然喺佢哋份年報入面,只係簡單講咗一句「維他港式奶茶於推出首個年度錄得可觀增長」,但觀呼個港式系列持續擴展(最近出咗「啡走」)同繼續喺超市當眼位置擺賣,反應似乎相當唔錯。

香港無高科技,唔會有google或蘋果第二,但其實重有好多行業可以發展。我哋唔使好似王征咁吹到「要打造出亞洲的CNN」,但起碼可以就本地口味而推出最能滿足本地人嘅飲品、零食或時裝。如果做得好嘅,當然可以衝出香港,但就算人哋唔buy,至少都可以保存到自己嘅味道。

Pocari@Pocari.com'

Pocari

小時了了,大未必佳。細個以為自己能改變世界,長大時才發現自己能力有限。兒時發作家夢,現在只能在沉重的工作壓力下逐少將感情抒發。

More Posts

高人指點

comments