上書英女皇唔係天方夜譚

圖片來源:作者

圖片來源:作者

大家有冇諗過可以上書俾英女皇??英女皇係非常之歡迎世界各地嘅人寫信俾佢架,雖然由女皇身邊嘅秘書或者女官代為回覆,但回覆內容唔係全官腔,都會就番你所寫嘅內容去進行回覆,由於英女皇恪守政治中立及虛君原則,如果係一d政治或者訴求,女皇會回官方回信,並將信件轉交政府相關部門。

回信後面嘅肖像照,正是小弟當年寫信俾英女皇,希望回信時可以附送一張肖像照。結果回信時,真係用厚紙皮,夾住張女皇肖像照。收到時真係好開心架。相信呢個亦都係點解相比起其他皇室或者歐洲皇室,英國皇室到而加都咁受愛戴,同受國際關注嘅原因。

而且如果係一d大時大節,例如一二年女皇登基鑽禧時,回信更加係有驚喜。大家可以趁住聽日係女皇九秩壽辰嘅大日子,可以試下寫第一信俾英女皇嘅信。小編亦都已經寄咗賀女皇九秩壽辰嘅信件,希望可以有驚喜。
:D

地址係:
HM The Queen
Buckingham Palace
London SW1A 1AA
UK

如果英女皇唔係白金漢宮,信件會自動運上去女皇所在嘅城堡,然後可以係回信時睇到封信究竟係白金漢宮寄過嚟,定係由其他城堡寄出。除咗寄俾女皇,仲可以寄俾皇夫,查理斯王子,威廉王子等其他皇室成員,地址係哂www.royal.gov.uk

高人指點

comments