side side side—僅餘的希望和熱血

#4549#
SAS, SSS, ASA, AAS

Posted by MCKLN Secrets on 2016年4月18日

話說近期有條勁紅既歌舞片,以洗腦既形式教大家全等三角形既論證例子。

講真,小弟數學好唔叻,所以就算入咗腦都係冇用。但今日小弟想講既係,我感受到原來現今接近死氣沉沉既學界,重有一絲曙光。

就係全校竟然會團結一心撐一樣野,無論樣野看似好傻都好,都用心投入,可能當中有些少恥笑既成份,但相信睇過條片既人都知道,片中尾段既全校師生大合唱場面都咪話唔震憾。

係現今睇落冇嚟生氣既學界,之前接二連三咁聽到學童輕生既消息,學生哥又呻大壓力,中六又要考DSE。但今次呢壇野,都可謂可以振興學界士氣,原來學習都可以有詼諧輕鬆既一面,原來學習係可以唔洗死記硬背。一件睇落好傻好樣衰既野,但竟然全校人陪你一齊癲,一齊笑。咁重唔係熱血?咁重唔係青春?呢啲先係學生應該要做既野嘛,唔係一味廿四小時剩係識操卷補習,反而可以抽一啲時間搞吓創作,同全校……唔係,係接近全港既人同你地一齊洗腦,一齊唱side angle side,呢啲先係啱既中學生活嘛。

其實正常既中學生活唔係應該係咁既咩?返學上堂落堂之後就可以做自己既野,做運動,玩音樂,更甚至乎係做一啲傻更更既野,而且重係要一大班人一齊為著同一個目的,夾手夾腳籌備、練習,最後為大家帶來歡樂,咁先係正常中學生活囉。還記得當時小弟都只係一個低調而且毫不起眼既小毒毒,返學等放學,放學就返屋企甚至參加野既學生,而家回望返過去都硬係覺得有啲野係缺少咗咁。

就係中學既青春,同埋熱血!

當時?咩當時呀?你又關事既咩?
.
.
.
母校確實幾前衛,幾有創意,哈。

利申:非打手文,純粹真心覺得呢次事件可以重振到教育界,不論老師定學生既士氣。

派拉特

沒有文字,又怎能說心事?

More Posts

Follow Me:
Facebook

高人指點

comments