臭芫茜的性格

cc photo by flickr user Alpha

cc photo by flickr user Alpha

芫茜,如榴連,鍾意就鍾意到食乜都想落幾「執」,討厭就會見到佢個樣聞到少少陣除就想嘔想成碗倒左佢。

我明,因為芫茜似我。

似我夠啃,夠直接唔嬌柔造作。

芫茜從不、亦不可能掩飾那份又是香又是臭的天賦,芫茜太霸道了嗎?唔是,根本是上天是天父的愛!祂,賜予芫茜這份不能掩藏、率真的性格,芫茜縱使外表平凡,甚至一雙腳跟都惹盡塵埃泥濘,但天生天養,售價便宜,是大眾都負擔得起既食材。喜歡那「臭茜香」的朋友就明白,芫茜喺任何湯粉炒麵上,如何提升左一種清新感及去除油賦;喺海鮮菜式上如何去除腥臭;喺所有泰式菜式上如何配合蒜薑香茅提升風味。
「蔥都可以喎」,噢梳,蔥雖然同芫茜係好朋友,亦都平實,但蔥無左芫茜個種啃。

芫茜坦蕩蕩,唔怕得罪人,一如上面所言,芫茜同你做朋友係你接受到佢,佢是唔理亦照顧唔到世界上其他人感受的,佢更無理過咩大小眾,芫茜只在意我臭故我在,今日臭過尋日幾多。

芫茜本人,即係我,不求與垃圾鬥臭,只求臭味相投。

人既口味會隨著年紀、心情、想法而變,口味可以簡單如食,更可以係音樂、交朋友、識人。芫茜唔扮野,隨本性而行,佢外表低調平凡,食過先知又香又甜定又臭又啃,係笑你就笑你係欣賞你就欣賞你係屌你就屌你,你受唔到佢唔會理你,就是因為芫茜有自知之明,佢是唔會理你話佢仆街的,佢甚至以仆街自居以臭為榮。

芫茜搵到存在既意義,芫茜知掟知臭,芫茜無諗過扮花受注目拎光環,學學芫茜。

ip@dettori.com'

IP Dettori Paklun

Sous Chef / Head Chef

More Posts

Follow Me:
Facebook

高人指點

comments