為何要建立關係

Cc photo by flickr user Iloveart Iloveart

Cc photo by flickr user Iloveart Iloveart

今天,無意間睇到一段文字,內容大概係感嘆人類在生以團體的方式生活,但最後都要變回個體獨自面對死亡,既然如此我地又何苦花費咁多精神時間心力同其他人建立關係呢?「菩提本無樹,明鏡亦非臺,本來無一物,何處塵埃。」從結果論來講,人生的確係虛無的,隻身來隻身去,到頭來一場空,死亡時不能帶走什麼,亦無一個人可以從頭到尾密切地陪伴自己一生,所有事情都要獨自面對。這只是呢句格言的其中一個面向,這句佛偈亦係六祖慧能叫我地不要過於執著,宣揚開懷豁達的心態,而非完全消極出世的人生觀。從這句說話就得出到,世間所有事情,都有唔同的面向,任何正面的話語都能夠有負面的層面出現,視乎你用什麼意念去開始一個想法。之前吹到好盛行的《吸引力法則》,講緊嘅就係呢樣野。(有冇人有興趣知多d咩係吸引力法則=v=?)

咁點解又要我地以團體的方式去生存啊?我覺得…世間萬事萬物的存在,都有佢必然的原因。從過程論來講,人生係一個不斷變幻的旅程,我地每一個反應(當中包括「忽略」這個反應),都會影響我地往後的經歷。最能夠反映出呢種「學習不同經歷的方式」,其中一個方法(對靈魂層面而言)亦係唯一一個方法(對受物理法則限制的人而言),就是透過從不同的關係中賺取而來。

既然我地存在喺一個不斷變幻的空間裡面,即係我地依家做緊啲乜野,其實係好影響我地下一刻會體驗到啲咩事情,咁我地就唔需要執著於結果。如果我地只側重結果,咁我地每一段關係,就好難可以走心,亦好難變成我地獨有的體驗。咁就會變相,原本我地有機會「創造」一段美好關係,但係因為結果論那一套自訂結果的信念,而使呢個唯一可以改變結局嘅一個機會都扼殺掉。雖然所有關係都會隨著人的死亡而不再持續,但不代表完全地終結,關係中某人的精神是會持續地影響在生的人。這是因為,經歷透過關係表現出來,其所產生的情緒和感受都來得更入心入肺。心理學有關長期記憶的其中一點是,自己的親身經歷,比他人齋講比你知,更刻骨銘心,十幾年之後都唔會忘記,更有可能永久保存,畢生難忘;主要不同之處在於,人地講比你知,係冇乜觸及個人感受;而親身經歷就100%會將情緒和事情拉上緊密的關係。人係唔會因為事情本身而記得那件事,我地係因為果件事背負的情緒,而使果件事記憶猶新。

我地之所有要經歷,都係因為咁樣,靈魂喺另一個空間知道哂世間所有知識,但係靈魂冇得經驗,要確實體驗一件事,就要有一個肉身比你去做。人死左後,乜都帶唔走,唯獨呢d咁深刻的經驗同感受係你靈魂記憶真正所擁有。現在我地所觸及的每一段關係,目的就係要去經歷。冇野係永恆,所有關係都會有終結的一日,最重要的係,你地之間的經歷,當中體驗到的事和切身的感受,會影響我地日後的每一個決定,好的方面就係為日後開展另一段關係作一個前鑑。

我地的身體只係借返來,總有一日要還返比大自然。喺呢短短幾十年的生命裡,到死那一天,我地能「帶」走什麼,就只有經歷同感受這些如此虛無、抽象的東西。借返來的東西,如何用到盡?就是不同的人生體驗。就好似你去公共圖書館借書,你會唔會好留戀那本書?明知佢原本就唔屬於自己,咁你會點用到盡果本書?答案就好似你點樣用到盡你的人生。

middleagewomanlovesreading@gmail.com'

中女愛閱讀

在現實中很難貿貿然跟身邊人展開心靈層面的話題,搞不好別人可能會以為你是傻子,尤其是在豐裕的物質主義社會裡。 想要有一個人可以跟你談論心靈話題,歡迎私訊,也可公開討論。平日已經習慣批判了,給一個機會自己放下武裝,暢所欲言。

More Posts

Follow Me:
Facebook

高人指點

comments