中國式「謙遜」和「自信」

cc photo by flickr user pang yu liu

cc photo by flickr user pang yu liu

「看来围棋盲还是不少啊,在这里我简单介绍一下自己:我叫做柯洁,97年出生。现在暂时是世界围棋第一人(特地用了暂时,谦虚是美德)正式比赛我是单盘8:2碾压李世石(他赢得这两盘没有任何作用)世界冠军获得过三次(此年龄如此成绩前无古人)大小国内赛事冠军数次我本来真不想提这些得因为我是一个低调的人,是你们逼我的。。哈萨比斯此前曾表示,他也期待“阿尔法围棋”能与中国高水平棋手对弈,“比如柯洁”。」 ( 柯洁 2016 )


題外話啦,搞唔清楚「自信」同「謙遜」之間嘅關係,好容易會變成咁。

好間單之嘛,每個人都應該清楚自己能力大概係點。當人哋吹噓你嘅本事,而你自知自己冇咁勁,你咪實話實說。咁就叫做「謙遜」。喺受儒家文化影響嘅東亞地區,啲人就似乎搞錯咗啲嘢,以為「謙遜」只係一種「禮貌」或者外在嘅修飾,所以有啲人就唔注重「自知之明」,反而用外在嘅「謙」去抵消不斷彭漲嘅自尊。

當你內心以為自己好撚勁,但又被禮法所限而要「謙」,內心就會躁動、扭曲,最後個 ego 就會不受控咁越漲越大。去到某個位,你個 ego 就會否定一切挑戰佢權威嘅事實(例如有人指出你錯,你會先入為主覺得佢錯),堅持自己係正確。呢種情況其實已經有少少「思覺失調」,思想開始同現實脫軌。

所以最好嘅方法,就係 stick to the facts,講返你認為啱嘅事實出嚟。

係,如果你叻某樣嘢,指出呢個事實,某啲人會覺得你自大。咁都冇計架喎。所謂「自大」都係相對嘅。如果啲人覺得你 level 100,你話你係 level 99,咁啲人咪覺得你謙囉。但如果你話你係 101,啲人會覺得你自大囉。但可能你真係 level 101 呢。其他人又點知你實際上有咩本事呢。

所以,如果要 100% 避免「自大」嘅指控,你唯有話自己係*零*。但衰得又會有人信喎!然後你自尊心又唔 gur 喎!然後又會心理唔平衡喎!

所以無論點都好,都會出事架啦,點解唔就咁講返個事實出嚟?

散彈一號

全職文字工作者、應用哲學家。對「邏輯一致性」、「系統複雜度」之類的偏門學問獨有心得。在美利堅合眾帝國邪惡資本主義集團的領導下,嘗試改變世界。

More Posts

高人指點

comments