Hku文化之仙制

cc photo by flickr user Pasu Au Yeung

cc photo by flickr user Pasu Au Yeung

又到呢個港大最敏感既話題,小弟係HKU 不知不覺間已經讀幾年,都經歷左唔少野,對仙制都算有番些少了解同認知,所以希望係度分享下個人對仙制既睇法,究竟仙制係件好事定壞事?

聽講,仙制的起源係因為以往港大係行貴族制,個個富家子弟入到去都囂張到不行了,個個入到去呢間所謂既「高等學府」都自以為是,d學長師兄為左比d新人認清楚現實,知道呢到個個都係人中豪傑,卧虎藏龍,比佢地知道自己唔係最醒個個,所以就行仙制,決定「教訓教訓」下佢地,由以往係無理取鬧,玩9,做x佢地,到以家只不過係依仗年紀較大,涉歷更多,而擺下架子咁話下細過佢地既師弟妹,希望佢地分清尊卑,學番下最基本既禮貌,所以仙制就流傳左落黎。但所謂既傳承,傳下傳下就會就只係空有形式,變左為鬧而鬧,為_而_,為做x而做x,引起左唔少人的不滿,咁究竟仙制好定唔好?

客觀黎講啦,認為仙制係好既人就覺得仙制真係會教到野比細仙小鬼。仙制其實係一個教化的過程,當然會教到野比人啦,呢個係無可否認既。佢地仙得你岩既,咪學到野囉;9仙亂仙既其實都學到,學到應該要點樣去包容佢地咁無賴既做法,為面對將來投身社會做好準備。仙制底下好多人都怕被人仙,係因為怕做錯野或者怕答得唔夠好,先至會令到好多人咁抗拒姐,照咁睇,仙制都係希望大家做野做得更好,諗野諗得更完善姐,咁樣的話,仙制又點會係一件壞事呢?

相反,覺得仙制唔好既人就會質疑仙制係咪真係一個岩既途徑教野比細仙小鬼。其實呢點真係無得駁,仙制未必係一個最好最岩既方法,但佢的確係其中一種可行的方法。係世上永遠無一樣野係十全十美既,咁如果對大部分人有用既野,我覺得佢都有承傳落黎既意義。當然啦,肯定會有人話,我地只不過係學生,本份只不過係讀書,何必入黎受氣?但我覺得如果連比人仙下都已經頂唔順,好大壓力,好harsh ,就唔配做HKU 學生。先唔好話對方話得你岩唔岩,就算唔岩,連包容一下人地錯既心胸都無,咁都仲配叫做大學生?咪當比人仙下鍛練下心智都未必係壞事。可能又會有人覺得我奴性太大,係咪被虐待成隱呀?當然唔係啦,被人9仙被人話點都會唔開心架啦,當轉一方面諗,假如佢哂時間仙你,佢又要勞氣又要哂時間,其實佢地都係care 你先會話你姐,如果唔係,佢地唔理你,慳番d時間同力氣咪仲好。做得未夠好,被人話被人仙,都係對方著更你,睇得起你,覺得你可以做得更好姐。另一方面,都算係對自己既總結,交代。做錯野,緊係要被人話架啦。起碼咁樣你先會知道人地眼中既你係點樣,點樣先可以進步,點樣先可以改善。如果唔係,做錯事唔駛負責任,又點對得住自己,又點配叫做大學生呢?

所以我覺得仙制既存左,未嘗唔係一件好事,大家就當係一個反省同練胸襟既試煉囉!

sand@jai.com'

沙仔

HKU 學生 愛觀察 愛分享 樂意接受批評。 投稿目的只不過希望係到寫下野,比多d人睇到,舒發下己見,比人明下我點諗,比人comment 下我。其實我好鐘意人地comment 我,因為我覺得每個人諗d野都唔同,你諗既人可能正正係我諗唔到諗唔足既人,所以希望大家可以比下面睇下我寫既野,然後記得留comment ,比我知道我既諗法好定唔好啦。利申呀 本人既中文得3,文采擺到明係惡劣既,敬請原諒。

More Posts

高人指點

comments