圍爐bias現象

cc photo by flickr user Ioan Sameli

cc photo by flickr user Ioan Sameli

其實如果成日圍爐,自己都會變老屎忽,呢個現象我會話係圍爐bias。
 
人天生就鍾意聽附和自己嘅意見,網上就係一個提供一個咁嘅機會嘅平台。
 
有時人想表達自己嘅意見但係又未必寫到個好好嘅argument 或者論述,當睇到有人reasonably 寫到自己嘅心聲,就會有共鳴,當嗰個人長期都咁做時,就好易成為權威,即係所謂嘅KOL。(編按:Key opinion leader,上次睇雜誌發現依個並唔係廣泛流傳嘅術語。)
 
但係當人鍾意亦都只係聽同自己相同立場甚至連有少少差別都接受唔到時,喺吸收資訊時就好易有bias,甚至對於所謂常識都係。
 
當你嘅圈子人人都話CCTVB唔可信是常識吧!咁你就好容易接受呢樣為常識,甚至覺得不證自明。
 
當你睇返你身邊嘅親戚朋友,覺得佢地仲信TVB就覺得好豬,連常識都唔知。
其實呢樣只係你圍爐圍返嚟嘅常識,對爐外人係唔適用,但係好多人都唔明呢點,只係識得怪人無常識。
 
咁嘅bias下,大家只會陷入「圍爐➡常識➡屋企人冇常識➡激死➡返去再圍爐」嘅循環,到最後就會放棄說服屋企人,繼續圍爐啦。
 
圍爐唔全然係壞事,圍爐喺我眼中就好似宗教圍體,可以穩固大家嘅信念(或者信仰),等大家堅守自己嘅價值。
但係如果大家想將自己嘅信息傳播出去,就要打開個爐,消除bias,唔好事事以為係常識,要將佢地拉入你嘅生活圈子,盡最大程度分享你地嘅經驗,先會多一個認同你嘅本土派。
 
最好嘅說服唔用言詞,而係用體驗。

philo@boy.com'

哲學仔

哲學,代表理性;仔,代表感性;睇落去係情理兼備嘅感覺。 一個哲學愛好者嘅心路歷程。

More Posts - Website

Follow Me:
Facebook

高人指點

comments