左_就係動物農莊入面嘅豬

cc photo by flickr user VanessaC (EY)

cc photo by flickr user VanessaC (EY)

守護自己認為重要嘅嘢,係天經地義。正所謂 ‪#‎選擇就係捨棄其他‬,‪#‎本土派理論‬ 嘅精神盡在於此。

葉劉著貂皮,引起愛護動物人士批評,貂媽媽唔會原諒佢。葉劉嘗試搬牛媽媽出嚟,反駁話你食牛都一樣啫。不過,牛媽媽明顯冇人理。

我認為呢,如果你相信本土派理論,咁你一邊食牛,一邊反對著貂皮,係完全冇問題嘅。你選擇愛護貂媽媽,捨棄牛媽媽,正正係實踐 ‪#‎愛就係選擇‬ 嘅本土派理論,天經地義架。但係,如果有人硬係要講「愛護(所有)動物(除非好味)」、「眾生平等」乜乜乜,咁又真係虛偽咗少少。

但又衰在如果你光明正大咁話「貂媽媽重要過牛媽媽」,你嘅社運光環迅即消失,聖周保松會話你缺乏道德證成,疑似濫藥大學生會話你法西斯歧視。所以虛偽係必須嘅。明明你偏心貂媽媽,都要高舉「平等」、「博愛」嘅旗幟,唯恐光環被沒收。呢個係社會現實嚟,冇話咩對錯。我之前就講過,虛偽可以改變世界,可以係好嘢嚟[1]。

之不過,呢種虛偽嘅社會,正正體現《動物農莊》入面嘅名句:All animals are equal, but some animals are more equal than others。

所以,講平等博愛,就等於《動物農莊》入面嘅豬。枉啲人成日引用奧威爾,究竟有冇人明白佢講緊乜? [2]

嗱,我唔係批評話邊個係啱,邊個係錯。我好包容嘅,唔會同你講「道德證成」。對我嚟講,守護自己認為重要嘅嘢(包括光環),係天經地義。 我只係話俾大家聽,講「平等」、「博愛」嘅人,就係豬。《動物農莊》入面嘅豬。
—————–
[1] http://style.vjmedia.com.hk/2015/05/02/5385
[2] 利申:我淨係睇過《動物農莊》咋。中學雞唯陣睇過下,可能係啲簡化咗嘅版本。好似係。

散彈一號

全職文字工作者、應用哲學家。對「邏輯一致性」、「系統複雜度」之類的偏門學問獨有心得。在美利堅合眾帝國邪惡資本主義集團的領導下,嘗試改變世界。

More Posts

高人指點

comments