毒男最忌有自信

截圖提供來源:作者

截圖提供來源:作者

高登古語有云:毒男最忌有自信。

毒男活在地球上本來是人畜無害,因為他們有自知之明,不會做與自己身份外表不配的事(例如毒撚樣又扮情聖週圍撩囡囡,在IG貼MK才會擺的自拍pose等等)。

偏偏世上進化了一種有自信的毒男,對社會帶來災難。

自信毒男是如何鍊成?

有一日,我一位毒男朋友醒覺,想脫毒了。經網友/朋友指教,毒男的外形及談話技巧剛剛進步了少許,又未到普通人的程度。在長久欠缺女性的注意下,突然間有女性的目光停留在自己身上,那怕只是吃頓普通晚飯,女生的保持應有的禮貌反應,這已經是毒男一生未曾有過的幸福!

「她也對我有意思吧?」「她跟之前當我毒男的高姿態港女不同,果然我做好了,獲得了achievement後,就自然能吸引女生了!」「我現在已變成有吸引力了!」

由於這個衝擊太大,本來毫無自信的毒男,他由0被注意力,現在獲得1(滿分是100),這個增值百分比是無限大!所以,毒男的自信也由零變成無限大,然後覺得所有追女指南、朋友的意見,都已不需要,因為他已經(自以為)蛻變成普通人了。

「普通人都是約會兩三次就追到女生不是嗎?如今我跟她已經吃過一次飯,而且還有機會約下次,追到手只是早晚的事。噢!有點擔心開始得太快會否相處不來了。。。」

在此我奉勸各位毒男先冷靜下來,停一停,想一想。

這種突其如來的自信是出現在脫毒ing至普通人之間微妙的夾縫。如果毒男不能臨崖勒馬,就會開始有外表身份不符的幻想,例如毒撚樣,但覺得女生望他幾眼就是被他吸引了(只是視線剛好對上)、覺得女生回他幾句whatsapp願意出來吃飯就是對他有意思(其實只是正常食飯,又或者正好想要隻兵,甚至當speed dating,識下人etc)、覺得只要我有achievement,不用特別迎合,女生都自動被我吸引。

這時最可憐大概是毒男身邊的網友/朋友吧,明明看到毒男已沖昏頭腦,欠缺客觀分析力:

「同左個女仔第一次出黎食飯,都ok既可以考慮一齊,雖然未必係最想要果個,不過算啦,都叫有個人陪啦。」

朋友出言提醒其實事實不如他所想,結果又被毒男看成:

「哼!你地葡萄我有女埋身之嘛,唔洗你地幫啦!」

事實是毒男距離得到真正的愛情還有一大段距離(只想求其找個伴,時間到就結婚的除外),得到之後,維護感情的學問更可以出博士論文。自信毒男只是開始學懂在大海中游了一下,但卻以為已經上岸了就不可一世,到時候快溺死也沒有人願意來救他。

當你正被不尋常的自信沖昏頭腦時,可以拿出高登巴打一篇文中和情緒

(來源自高登,因要配合我這位毒男朋友的情況而作出一些修改)

你係一個毒撚唔緊要 但你係一個有自信既毒撚 你就食屎啦

你要知道毒撚你樣衰 你就係樣衰 點gel頭都唔會變 整容都幫唔到你

你夠膽學人溝女既話 最後結果都係一定失敗 無可能成功

你以為自己睇卡通學武功 好勁抽 你咪試下同人打架囉 睇下點樣 你咪又係俾人打到豬頭咁!你唔好以為同女仔傾到計就好威威 人地當你觀音兵咋!溝女個陣,唔好小小野就以為有機,食硬人

個d唔係自信,係自大兼智障

就算個女仔話「到時拖住你手去街丫」

或者電話冇端端叫你「衰佬」、「衰公」(就算語氣係幾咁曖昧)

就算佢話唔知點解成日控制唔到自己去諗你

就算佢話同你出街會好開心

但要記住你係一個毒男,唔會識點樣先係哄佢,錫佢

最後又咪搞到分手收場,未痛苦既時候就唔好開始啦

有女神既憧憬係一件好事黎既,到時與其傷心不如放棄機會

毒男最忌自信,當你有自信就會做d同身份唔相配既事

天使永遠唔會降臨係你地身上,不如比番d面子自己

毒撚最忌有自信

(編按:作者網誌https://form2love.wordpress.com/

madam@chaknam.com'

澤藍夫人

澤藍夫人,家中育有一宅男老公多年,具宅男相處經驗。 以女性角度出發,希望幫助所有宅男/毒男/中二病成功談戀愛!

More Posts

高人指點

comments