重看《香港城邦論》

"Thebookcoverofhongkongcitystatetheoryone" by 隱世奇俠 - Own work. Licensed under CC0 via Wikimedia Commons.

“Thebookcoverofhongkongcitystatetheoryone” by 隱世奇俠 – Own work. Licensed under CC0 via Wikimedia Commons.

舊年睇陳雲嘅《香港城邦論》,我帶住有好深顏色嘅眼鏡去睇,一路睇一路( ? _ ? )。睇咗幾章之後決定以極速解決自己嘅痛苦,每章係咁意gup下就算。上個禮拜寫文寫寫下,有writer’s block,結果又返去詳細睇多次。今次就唔帶有色眼鏡,用critical thinking(suspended judgement,唔係某大喊包所講嘅批評性思考),五日之內慢慢deb慢慢嘆。

欣賞《香港城邦論》一書嘅正確態度,就係要好似啲人飲齋啡咁,明明一般人覺得好難飲,但係佢同你講係acquired taste。書中嘅每一章、每一節,甚至每一句、每一段,理(幻)想同現實梅花間竹,充滿矛盾,但係又令人充滿憧憬同希望。書內嘅章節斷斷續續,例子和語句重重複複,但係字裏行間滲透著尼采嘅悖論文風,甚至可以講成套理論都係尼采嘅觀點主義下嘅一個局,信者得救。陳雲所謂嘅本土,其實只不過係叫大家擺脫負疚感,做個勇敢的香港Übermensch。你冇上過堂,聽過你個哲學教授講解尼采俾你聽,你係唔會明嘅。

簡單總結成本書,陳雲係話香港集中西文化之精粹,主權移交之前香港已經有一國兩制,自成一家城邦格局。英國佬走咗之後,香港斷絕咗英國的憲政根基,大陸又未行憲,再加上港共政權無能,不知不覺下outsource咗治權俾地產佬。要救國先要維護好一國兩制,爭取雙普選,喺香港先行憲,穩固好城牆根基,保持中港區隔,再好好實行高度自治。咁就可以保持香港對大陸嘅利用價值,同中共國保持互惠互利嘅關係,井水河水互不侵犯。

睇真啲,陳雲嘅思想不中不西,不統不獨,不左不右,不建制不泛民,每個人都可以各取所需。如果大家可以放低成見嘅話,又想修補撕裂,不妨睇吓《香港城邦論》,話唔定會有placebo effect。

mongjim@mongjim.com'

黃源浩

香港開源軟件工程師

More Posts - Website

Follow Me:
Facebook

高人指點

comments