大陸肥木馬屠港實錄 part 3

刊登於 2015-06-13 By SaxBony All, 生活文化, 音樂分享

https://soundcloud.com/johnnycobain/johnny-cobain

咪住先，肥仔友唔係無證青年黎㗎咩，咁大模斯樣咁打個豆釘，俾人捉到就拜拜你條尾，遣返番去地獄鬼國共享終國人榮耀㗎啦喎。唔通肥仔也有愛國的，博拉？傻喇，宜家香港依個人治社會，最緊要下面同後面夠硬，見到邊條囡靚，睇邊個唔順眼，有後台，硬得起，强姦又得，放火又得，得左。你來自終國，或屋企有兩個，咪係「難得既好人」囉。

之前肥仔友咪遇到個婦人既，從個刻開始，友仔就知道自己係被選中既細路，但原來被選中既細路一啲都唔罕有，其實好似便利店咁總有一堆係左右。

「哎喲小朋友，咁唔小心既，等飯姨姨帶妳去睇醫生。」婦人同肥仔友講。

「姨姨，我唔可以去醫院㗎，會俾差人叔叔拉㗎……」

「我知，友仔，你信相我，飯姨姨我絕對係忠誠可靠既。」

「妳點知我叫友仔㗎？」
飯婦人搣一揻O左嘴既死肥仔塊面就拖走左佢。

去到一間私家診所，飯婦人同姑娘打一打眼色，就俾友仔入去揾醫生包紮傷口。醫生苦幹緊既時候，友仔對個死人頭埋飯婦人耳仔邊懶秘密咁講：「我都無錢睇醫生!」

「傻仔黎既，唔洗驚，姨姨係大廳，你唔洗自己俾㗎，可以出公數嘛。」飯婦人又揻左死肥仔塊面一下。有暴力傾向既友仔覺得好唔爽，又搣？想一掌推開依個唔知邊度黎既姨姨，但礙於比醫生搞緊又唔想俾錢，只好忍屎咁忍。

完事後，醫生唔知點解出左去，留番飯婦人同友仔係醫療室。友仔有啲驚驚地，唔通依隻飯姨姨咁重口味想玩禁室培慾？

「你既事我知道晒喇。」飯婦唔知微笑定奸笑咁講。

「妳想做乜野呀？」

「唔洗緊張，我係黎幫你既。我留意左你……同你『婆婆好耐』，你婆婆根本唔係你婆婆丫嘛。我地心中有數既。」

肥仔心諗，大獲，對腳傷左想走都走唔到，平時老子對住依個老到變晒型既死八婆應該夠做㗎，中伏喇今鋪。