全世界最估你唔到的special diet

成日都話返工係眼界大開嘅好機會,今日我又上到一課。

好多人都有自己嘅diet,例如vegetarian唔食肉 ,vegan連乳製品都唔食;有啲 佛教徒唔食牛,伊斯蘭教徒唔食豬, 唔食肉,除咗海鮮,唔食基因改造食物,唔食魚翅,唔食蝦,唔食貝類,唔食gluten,唔食果仁,唔食辣(我講我呀)等等等等,係基於唔同原因,宗教/健康/倫理/環保/敏感/自己廢J(我講我呀)等等等等。

咁啲客出得聲話我唔食乜乜乜,我地就要同佢講「拿呢個菜無gluten架」「呢個無nuts架」「呢個可以幫你整個無肉版嘅」「你想辣啲可以幫你整個extra spicy再俾勁多辣椒油你」,務求滿足每個客嘅要求又鼓勵佢叫多啲(老闆成日叫我地up sell某樣野,估唔到做侍應都要追quota),經過兩年特訓已經可以面不改容應付自如,直到今日有一張台個request令我load咗一load究竟應該推介啲咩俾佢地。

總之每人嘅special diet都有自己嘅理由,但今日就俾我見識到一個我咁大個人聽過最特殊嘅diet,聽完同返老闆同事講都忍唔住笑出聲(其實笑得好誇張下),希望班老人家唔知我地係講緊佢地啦 -_-

好,行埋去落單,見成台都淨係點d素嘅野食就問佢地
我:Are you all vegetarian?
伯伯:No, we don’t eat meat but we do eat some of the seafood.
咁我以為佢敏感唔食得部分海鮮啦,點知佢繼續講……
伯伯:We don’t eat seafood that ‘have a face’, for those who don’t have one we can eat them.

cc photo via flickr user Benson Kua

cc photo via flickr user Benson Kua

真係畢生難忘嘅一個答案,聽到之後成個人企係度呆咗兩秒,即刻諗:死啦大佬,我地餐牌有邊隻海鮮係without a face嘅呢⋯⋯魚咁大塊臉應該唔得啦,龍蝦應該都叫有臉掛?魷魚究竟有無臉嘅呢可唔可以推介椒鹽鮮魷呢⋯⋯墨魚又叫唔叫有臉呢⋯⋯最後諗咗一陣,廢事亂講俾佢知道我連whether squid has a face 都唔知,都係推介帶子同青口俾佢地穩陣啲 。佢地聽完之後,伯伯問我啲菜有無落其他調味料架,大佬,又即刻諗邊隻醬係made by seafood with a face嘅呢,魚露用蝦整喎好似,蠔油應該食得啦掛蠔係無臉,但又唔知有無其他with a face嘅材料⋯⋯但係個場又好忙,無時間跑上去問:喂大廚你煮豉椒青口用嘅所有材料所有醬有無一樣原材料係有臉架果班客唔食架喎(就算問都一定俾班廚房佬鬧到上天花板 -_- )

搞咗一輪,都係全台食齋 -_- 恕我辦事不力,真係咁大個人先第一次聽到個咁特別嘅diet⋯⋯不過真係大開眼界。

ding@ding.com'

dingding

最後一年留學,瘋狂打工攢錢再瘋狂浪遊。

More Posts

Follow Me:
Facebook

高人指點

comments