新復仇者:不是英雄

na1

經過上月第2部《復仇者》電影上映,本地又再牽起一陣Marvel熱,今次筆者湊湊熱鬧,介紹一下近年出版嘅復仇者故事。過去20年,美漫市場經歷興衰,喺製作及故事方向上已有好大改變,筆者之前亦有強調過,美漫題材非常廣闊,涉獵範圍雖未及日本漫畫但亦不惶多讓,而就算是超級英雄題材,劇情亦趨向成熟,不再是一般人眼中的超人打怪獸,近年由劇作家Jonathan Hickman所主理嘅復仇者就更加係story driven嘅典範。

na cover

先講一下今年Marvel嘅重頭刊物,<Secret Wars>,故事覆蓋所有平衡宇宙,幾乎與所有角色近年來嘅發展有關,故事基本概念源自於80年代,Marvel第一次出版嘅大型cross-over同名漫畫。作者Hickman喺2012年出版嘅<Avengers>及<New Avengers>兩本月刊中,活用了幾位旗艦角色,將故事一步一步推向今年嘅重頭事件,其劇情推進有如一部長篇小說,有趣非常。

故事始於Illuminati(下稱光明會)多年前成立,其創辦成員包括Iron Man鐵甲奇俠,DR. Strange奇幻博士,Mr. Fantastic神奇先生,Professor X教授,Black Blot黑雷以及Namor海霸王,原本初期Iron Man亦有邀請Black Panther黑豹加入,可惜遭到婉拒。此組織成立目的,是為秘密地應對一切危機,由於各成員於自身領域都係獨當一面,加入光明會除咗想喺危機產生前,找出解決方法,更想進一步保障自身族群嘅利益,以免大事大非下,被排擠忽略,甚至成為被犧牲嘅一方。此種運作模式其實與現實社會中嘅國家諜報機關相當近似,表面上既是同盟,暗地裡又是各懷鬼胎,互相猜忌。 無獨有偶,早前筆者與同事閒聊時,聽說過德國前陣子與美國暗中竊聽法國政府機密,之後東窗事發德國被法國投訴有欠道義,最可笑係,不久之後,德國發現原來美國亦同時對自己進行竊聽,除咗柒,筆者諗唔到更合適字眼嚟形容德國處境。

na1

回說正題,就喺無意間,光明會發現平衡宇宙加速滅亡,而將各個宇宙摧毀嘅過程,係不斷發生兩個空間互相碰撞,而撞擊點正正就係兩個平衡空間內嘅地球。最初光明會嘅各個成員對於事件都一無所知,後經幾番波折下,方知道唯一可行嘅辦法就係喺發生空間相撞前,將其中一方嘅地球毀滅,此舉除咗可以保留其中一個地球,更加可以防止宇宙碰撞,雙方嘅宇宙都得以存活,只是此舉等於是將其中一方嘅生命屠殺,道德上各人便成了殺人魔。作者以兩本復仇者刊物,交替講述故事,光明會應付宇宙碰撞嘅故事主要連載喺<New Avengers>月刊,作者利用咗各成員之間嘅矛盾過節,製造咗好多兩難局面,角色衝突亦鬥過你死我活,需知道,光明會嘅成員本身都係自命不凡嘅英雄,但去到人性交叉點都顯出脆弱一面。當中有幾幕令筆者印象深刻,一是海霸王與黑豹由生死相搏,轉為暫息干戈,再到後期變成誓殺對方方罷休,兩個角色喺危難底下亦敵亦友嘅心路歷程寫得幾緊湊,另外一段係,光明會成員製造了摧毀地心嘅裝置,準備滅絕對方宇宙內嘅地球之際,一行人卻得知該地球上有另一批英雄,喺迫不得已情況下擊殺對方後,心中有愧,無法動手啟動滅世裝置,嗰種做又死唔做又死嘅矛盾,真係令讀者咬牙切齒。

na2

光明會成員於監察裝置上了解其他宇宙相撞情況

 

兩本復仇者月刊都喺上月完成連載,最後以兩個宇宙進入相撞倒數作結,兩個平衡宇宙分別係主流宇宙(即多年來連載故事嘅世界)以及另一個頗受歡迎嘅Ultimate故事宇宙,兩邊有Marvel不同版本嘅角色存在,今年重頭cross-over就係以兩個宇宙嘅戰鬥展開序幕。筆者希望呢個簡短嘅介紹可以引起大家嘅興趣,有時間會再選擇一啲故事章節同大家分享。

新角色Black Swan黑天鵝

新角色Black Swan黑天鵝

黑天鵝邪氣十足,但掌握好多宇宙相撞嘅相關情報,光明會眾人對佢又愛又恨

黑天鵝邪氣十足,但掌握好多宇宙相撞嘅相關情報,光明會眾人對佢又愛又恨

little@iron.com'

小鐵

初為人父, 平時愛看美國漫畫, 欣賞各類電影, 不時會以戲論政, 借題發揮(or抽水)

More Posts

高人指點

comments