等到頸都長嘅丹麥交流生又係食啲咩㗎?

一見到個題目,係咪有股衝動想答:藍罐曲奇?咁你就要睇落去啦!

雖然對上一次已經係兩年前嘅事,但exchange就係有種難以言喻嘅魔力,老實講我久唔久就會發夢去返歐洲。北歐都已經出咗兩篇,回憶湧上心頭,無理由唔寫返篇講下丹麥嘅!

首先講清楚,我係去丹麥exchange。好多人就會即刻問:「哦!你去Copenhagen呢?」丹麥唔係淨係得哥本哈根,我去嘅係Wiki話嘅「丹麥第二大城市」— Aarhus。奧胡斯?咩嚟㗎?食得㗎?總之係個好正嘅地方啦!

同芬蘭、瑞典一樣,當年我去Fall sem exchange,所以北歐一向畀人感覺除咗日短夜長、凍,就係一年四季都不變嘅高昂物價。而今港幣跟著美元係咁升,去丹麥exchange就會幸福啲。想當年都算係一個高位,丹麥克朗貴到飛起,大約 1 DKK = 1,4 HKD,亦因為兩者相差看似好近,小數怕長計,好容易誤以為物價合理。
*1 HKD = 1,4 DKK 改為 1 DKK = 1,4 HKD

講返正題先,好多人(尤其父母)喺我臨走前好擔心我會唔會不諳廚藝,又貪平(我一向出名慳家)而亂咁買嘢食,甚至skip一兩餐。其實……我係識煮飯㗎,話晒中學烹飪比賽都攞過獎,有少少心得。帶著迷你電飯煲,就咁就出發。

所有圖片來源:作者

所有圖片來源:作者

見我帶飯煲,都知我立志要煮正餐。我好注重健康飲食,有一套嚴謹要求。喺歐洲,要買食材無得揀,一定係去超市。好幸運,我住嘅suburb都唔係好講得上係suburb,十五分鐘就出到City Centre,所以買餸無難度。City Centre超市品牌五花八門,雖然好幾間同屬一個集團(同香港有咩分別……),當地我見過嘅品牌不下十個,分別走價錢高中低三線;而平價唔一定等於質素差,只係因為間超市入貨嘅牌子少,客人選擇少啲自然會平。

我偏向地中海飲食,貪佢多菜少肉(真係非典型香港人)。就算係食肉,都只會揀白肉。而我同另一個同系同學一齊住一齊食,佢鍾意食肥肉同食好大碗飯,所以偶然都會買下紅肉氹下佢開心(佢唔多識煮嘢,所以我掌管飲食大權)。

丹麥超市有樣好,就係冰鮮肉類都會標明脂肪含量,當然愈低愈貴。我就算真係要食肉,我都會買最瘦嗰隻。提提大家,買到返去一定一定!要放落雪箱,唔好放入雪櫃!第一次將生雞肉放入雪櫃,結果幾日後切切下,一襲「芳香」傳入我的鼻,真係畢生難忘。

一日之計在於晨,早餐當然不可或缺。由細到大我都未試過唔食早餐。平時你早餐會食咩?自從第一日我哋夾份買咗一包 14 kr. 嘅 1 kg cornflakes 同埋一條 6,5 kr. 嘅二十塊白麪包(要食四塊先會飽,發水過香港),日日就食住平價紅莓果醬白麪包、脫脂鮮奶粟米片過活。數數下我好似食咗五個月白麪包早餐,點解重生存到?日日飲奶,怕肥又愛護荷包嘅你,最好揀 0,1% 鮮奶,5,5 kr./L,夠飲四日。日日食以上兩樣,人生樂趣真係少咗好多,所以有時都會買下乳酪調劑下,超多不同生果味,而且有果肉,加工糖份又少,最重要就係平!16 kr.有1 L,當時覺得貴過牛奶就係貴,點知返嚟香港去超市行下先知,香港貴幾倍!好彩嗰時都叫食返夠本啫,哈哈!

之後兩餐性質一樣,初初唔清楚超市有咩食材,求其入住啲耐存又易煮嘅頂住先,例如下圖:

unnamed (49)

後來行行下,漸漸發現都幾多嘢賣,好似北海道南瓜、蝦。火車站隔離有兩間Asian Markets,加上到埗後三個半月(好似就快完……)先知某suburb有個Bazaar,賣既新鮮又平嘅亞洲食材。可惜Bazaar太遠,都係唔會想去。Asian Market好正,有豉油、蠔油、印度咖哩、豆腐、冬菇、烏冬,同埋香港人集體回憶— 出前一丁!價錢就唔會平得去邊,一個出前一丁盛惠 6 kr.,真係好有效嘅減肥方法。

南瓜!

南瓜!

unnamed (51)

九月正值中秋節,Asian Market竟然重有月餅,寫著「香港月餅」!

unnamed (52)

Exchange咗一排,我先發覺我真係好鍾意煮嘢食,愈玩愈大。廚房有兩個坐地大焗爐,見宿友日日狂焗,無理由我一次都唔用㗎嘛!如果咪啲Kitchen Tax同租咪蝕晒畀佢?去完挪威旅行,食過一個焗薯三文魚好正,又買料試下DIY;見超市有Lasagne Sheets,又買返去試下整千層肉醬意粉,真係整到滴晒汗,片片皆辛苦!不過,第一口親吻心血結晶,真係感動到流淚(我又煮得唔錯喎)。

unnamed (53)

Baked Salmon by author

unnamed (54)

閒時可以食得極體面,去到趕上堂、考試衝閘(exchange的學習模式……是常識吧?)、去完旅行無飯開、無心情……點算好?有見及此,食物櫃長年都會有意粉坐鎮,只要有茄醬、Pesto、香草、鹽,總之有可以撈嘅醬,一定唔會餓死。而且賣相絕對可登大雅之堂,無人知你食緊最頹嘅飯,更加經濟過出前一丁!重可以買定香港難搵嘅Ravioli、Tortellini等等意大利餃子,無食淨麪咁齋嘛。

unnamed (55)

unnamed (56)

Tortellini by author

無可避免要賣廣告……超市有時會有大平賣,Aarhus有一間超市叫Bilka,舖面一萬平方米,係丹麥最大間超市(我覺得似百貨公司多啲,乜都有得賣,例如衫、電器……)。某日同三個friends,見到 10 kg 薯仔賣 15 kr.,15 kr.!難抵誘惑,平成咁唔買對唔住自己,之後由於試過無數次薯仔發芽慘病經歷,所以之後兩星期餐餐薯仔(薯仔咖哩煲、煎薯餅、生菜包……無所不用其極),食到自己都變埋薯仔。

Tortellini by author

咖喱薯仔甘筍煲

 

 

咖哩薯仔甘荀煲

烚薯仔甘荀

unnamed (62)

魚柳煎薯餅

 

unnamed (60)

生菜包大集會

努力入貨,應該會係咁:

生菜包大集會

今次講著咁多先,留返下次再食盡丹麥。

tntintin88@yahoo.com.hk'

丁丁

只要在同一片天空下,就有夢想環遊世界、熱愛音樂與寫作的丁丁。

More Posts

高人指點

comments