小時候低低能/之一:Neopets

終極箭靶,米卡追蹤,特麥克滾滾,毀滅大賽,卡奇捉迷藏,冰淇淋販賣機,吹牛撲克,笨笨球,海西搖搖板,精靈雲端賽車,超級蹦蹦跳,寵物玩伴保姆……

如果你看完以上一段沒聯想到什麼,可以這篇未能對你起共鳴。

相反,你腦海應該出現一個字,一個在你童年時不可或缺的字:

neopets。

Neopets應該是無數九十後的童年回憶,小學時放學後會衝回家打開電腦,(仲要同呀妹爭,約法三章輪流玩)因為尼奧世界在香港時間下午四時開始新的一天,所以我們忙著去神秘島玩湯博拉大抽獎。抽中大獎有魔符石會好開心,因為可以用黎交學費train up自己隻寵物,又或者放售,賣出去會有幾千NP的。仲要去果凍世界拿免費果凍,我記得成日抽到紫色的劇毒果凍同大便果凍 ( -_- ) ;到暴虐大地拿煎蛋卷,慳返幾十NP餵飽我隻冰企鵝。

然後就瘋狂玩遊戲賺NP(好彩每個遊戲最多玩三次,如果唔係果陣我會玩唔停),幫大腦樹同精靈做任務賺錢賺稀有物品,去水果機抽下獎,去搖錢樹執下寶,雖然成日都係得d無人想要嘅「腐爛的右腳拖鞋」,寵物病左就去康復泉搵xx精靈飲康復藥水救命……

第二早一上校車就同同學討論「我尋日賺左50萬NP呀」,「我係刺激大轉輪抽到支寶寶畫筆呀」,大家都好重視自己在網絡世界的地位及榮譽,但好朋友之間又會幫大家玩自己擅長的遊戲幫手賺NP。小學高年班就係neopets陪我過,連小息都要成班人衝去電腦室抽下獎。

直到升中,懶覺得自己大個女無再玩,但其實我中一仍然成日心癢癢掛住我辛苦一手建立嘅虛擬江山。直至我開始迷上xanga打mk日記,尼奧世界先正式係我生活中淡出。

係成長唔同階段有唔同野陪住我,而尼奧寵物就絕對係我高小時候最大嘅影響物。

後記/打完好想登入睇下我隻冰企鵝十年無食野餓死未,但係已經記唔返密碼…..唉我銀行有成千萬NP架:(

(Wei hehehe 其實我有Facebook page架 :p http://www.facebook.com/dreamwhenyouarestillyoung

cc photo via flickr user Kai Chan Vong

cc photo via flickr user Kai Chan Vong

ding@ding.com'

dingding

最後一年留學,瘋狂打工攢錢再瘋狂浪遊。

More Posts

Follow Me:
Facebook

高人指點

comments